Video
Read full review
2021-04-23
1603 views
用白板Marker寫Happy Anniversary 喺甜品碟ge 餐廳你見過未？真係好感激你地比左我一個咁“難忘“又充滿”驚喜”ge周年紀念啊~4月14號係我地六周年紀念日，聽聞呢度有間幾好ge餐廳所以馬上openrice book位，當時已經注明因爲係周年紀念所以希望盡量安排窗口位，訂座後冇幾耐有負責人馬上call我同我講因爲餐廳冇呢d幫客人預留窗口海景位ge服務所以只能盡量幫我地安排，另外當日可以提供幫我地order ge甜品寫上“Happy 6th Anniversary” ge服務，不過要加$20，冇所謂啦，都希望另一半見到開心，有驚喜姐。4月14號夜晚到左餐廳，夜色幾靚，不過平日餐廳唔係太多人都抱有希望可以坐窗口位，不過侍應話安排唔到哦，唔緊要啦~ 我地又唔係食海景，我地食晚餐架嘛！小事無礙我地ge興致。見到餐牌有一個特色On Board Signature Set Dinner好吸引，於是就叫左2 set，不過因爲我地兩個對set dinner餐牌上ge甜品冇咩太大興趣（得雜莓冰粉配黑糖漿/歌劇院蛋糕），所以想問可唔可以轉主餐牌上同價錢（$58）ge甜品，因爲我想食焦糖
4月14號係我地六周年紀念日，聽聞呢度有間幾好ge餐廳所以馬上openrice book位，當時已經注明因爲係周年紀念所以希望盡量安排窗口位，訂座後冇幾耐有負責人馬上call我同我講因爲餐廳冇呢d幫客人預留窗口海景位ge服務所以只能盡量幫我地安排，另外當日可以提供幫我地order ge甜品寫上“Happy 6th Anniversary” ge服務，不過要加$20，冇所謂啦，都希望另一半見到開心，有驚喜姐。
4月14號夜晚到左餐廳，夜色幾靚，不過平日餐廳唔係太多人都抱有希望可以坐窗口位，不過侍應話安排唔到哦，唔緊要啦~ 我地又唔係食海景，我地食晚餐架嘛！小事無礙我地ge興致。
見到餐牌有一個特色On Board Signature Set Dinner好吸引，於是就叫左2 set，不過因爲我地兩個對set dinner餐牌上ge甜品冇咩太大興趣（得雜莓冰粉配黑糖漿/歌劇院蛋糕），所以想問可唔可以轉主餐牌上同價錢（$58）ge甜品，因爲我想食焦糖布丁，另一半鍾意食芝士蛋糕，我地完全唔介意加錢換，另外因爲我地expect緊可以同寫有“Happy 6th Anniversary” ge 甜品影相所以都想換一d自己鍾意ge野。可惜侍應話唔得，不過侍應話安排唔到哦，唔緊要啦~ 歌劇院蛋糕都應該唔會太難食ge，將就下啦完全冇問題！
前菜：
餐包x2
西班牙八爪魚尼斯沙律配蜜糖柚子醋x1 / 法式水耕西洋菜湯 x1
雖然叫左兩個set，但我地一向鍾意share，所以叫左一個沙律一個湯
自問我好鍾意食酸野，都好鍾意沙律加醋，但呢個八爪魚沙律ge酸味真係聞所未聞見所未見，酸到喇喉好驚喜！可能一般蜜糖都係潤喉所以呢個蜜糖柚子醋酸到喇喉，果然與衆不同！
而西洋菜湯同沙律完全相反，可能厨師明白我地食完沙律之後一定覺得太刺激所以菜湯非常清淡有益而且帶住淡淡洗菜水味，不愧是水耕，只係個前菜已經完全體現厨師ge點點心意，好開心！
主菜：
慢煮法國鵝肝野菌釀鵪鶉配砵酒汁 x1 / 三文魚慕斯龍脷魚柳卷配海膽牛油汁 x1
今次係我第一次食釀鵪鶉，同樣帶比我無限驚喜！非常濃味ge鵝肝野菌釀入麻雀雖小五臟俱全ge鵪鶉入面，高貴而鹹香十足、令你想不停飲水ge鵝肝野菌完全蓋過冰鮮鵪鶉ge鮮味，伴著陣陣雪味，用$338食ge高級 set dinner居然食到平時快餐店ge低級雪鷄味，真係好難忘，一定要試，絕對推介！
而另一半叫左三文魚龍脷柳卷，其他唔講都一定要好評下個海膽牛油汁，唔睇翻個餐牌都唔知原來係用海膽呢d高級食材，除了怪味之外真係食唔出用左海膽，不得不讚厨師居然有用一種食材可以煮出其他味道ge 能力，好厲害！
甜品：
歌劇院蛋糕 x2
重點來了！期待左成晚ge甜品，真係好想睇下要加$20寫ge碟有幾靚！果然，前菜主菜都係過眼雲烟，當用紅色Marker寫上“Happy 6th Anniversary” ge蛋糕送到我地面前，真係好！震！撼！可能我地之前去過ge餐廳一般都係用朱古力寫字、或者加朱古力牌，呢間餐廳居然用寫白板ge 可擦式Marker寫碟真係好意外！當我地以爲餐廳ge朱古力缺貨所以要收我地$20去買朱，不過見到隔離枱對情侶ge甜品上面居然有朱古力牌，好神奇！莫非塊牌比左隔離枱所以我地只配用唔食得甚至食左會中毒ge紅色Marker寫碟？唔緊要啦，冇朱古力可能就唔會收我地Extra Charge XD
更神奇ge事情一浪接一浪，話曬都係anniversary，影相好正常，d侍應見我地忙於影相，眼望望都無動於衷；但隔離枱對情侶一上甜品就即刻問需唔需要幫忙影相，可能隔離枱對情侶比較似情侶所以態度完全唔同，哈哈 😊
當我地隨便影幾張就開始食蛋糕，食到一半就有侍應詢問需唔需要幫忙影相，可能想記錄我地已經將蛋糕食得七七八八ge模樣，或者幫我地影低我地有幾享受食Marker ge滋味，非常體貼！
之前我地入座果陣話安排唔到窗口位，唔緊要，但當我地食到一半居然見到侍應安排另一對已經坐低ge情侶轉位去海景位，都係果句，可能其他情侶比較似情侶掛？
直到埋單果陣先驚嚇，餐廳收左我地$20，單上寫住”Choco Sheet”，我地好奇一問，咦？我地ge蛋糕上冇任何朱古力牌/冇用朱古力寫碟點解要收$20？侍應回應話因爲朱古力牌太細，冇位寫“Happy 6th Anniversary”太長ge字，至於點解要用唔食得ge Marker寫，侍應冇回應，只係急急忙比翻張信用卡我地，然後拿拿聲將收據攞走唔再比我地睇，哦。
PS. 果晚食完一直冇食野，翻到屋企，半夜我足足嘔左兩次，相信應該係高級鵝肝鵪鶉ge後勁。$338一個set dinner買自己辛苦，值得嘉許！
沒有對比沒有傷害，由食物到Marker寫甜品碟到海景位ge各種差別待遇，到翻屋企半夜嘔到七彩，今次經歷真係令我好難忘！多謝Towngas Avenue 比左一個咁充滿驚喜ge Happy Anniversary我地！
Post
