Video
Read full review
2016-04-24
5419 views
星期日落大雨行唔到山，不如去爬下魚生山餐廳係青山道，嘉頓行前小小。宗像屋12點先開門，3點於落場。我地13:20開始等，14:00就入得去（可能今日落大雨先比平時少左人等）。大概13:40侍應就截龍lu,想食就要早啲去排隊喇 全部都係魚生山！只係魚生種類唔同。最平既梅有9種。 特上就多左海膽同蟹肉一飯三食！見其他食評開頭有三塊魚生，但我地又冇喎。餐牌都唔見有，唔知係咪星期日冇既呢🤔 先黎梅（HKD108)一桶飯上面仲有個魚生山！睇己經夠壯觀啦，聞都陣魚生味都已經好正！點知⋯ 原來特上仲勁呀。兩個拍埋一齊真係大帽山同嘉頓山既分別呀！ 咁多魚生真係要小心翼翼咁撈先唔會跌到周圍都係！最方便既方法梗係食咁啲魚生先啦😝😝😝 壯麗既特上魚生山😍 海膽十分鮮甜！新鮮！魚生飯係暖既。 第二個食法就係做手卷。 紫菜脆脆。我覺得呢個食法最好味 食到最尾剩返唔多飯，就可以將所以飯放落藍邊個碗度。再侍應拎俾師傅加湯。 第三個食法 泡飯湯底熱到出煙，清湯內有麻醬。湯有少少蟹味。但呢個方法實在唔太得我歡心。魚生就係要生先鮮味㗎嘛。兩位師傅用日文溝通，應該一位是日本人嘛。哈哈，感覺比較原汁原味
餐廳係青山道，嘉頓行前小小。
宗像屋12點先開門，3點於落場。我地13:20開始等，14:00就入得去（可能今日落大雨先比平時少左人等）。大概13:40侍應就截龍lu,想食就要早啲去排隊喇
全部都係魚生山！只係魚生種類唔同。最平既梅有9種。 特上就多左海膽同蟹肉
一飯三食！見其他食評開頭有三塊魚生，但我地又冇喎。餐牌都唔見有，唔知係咪星期日冇既呢🤔
梅
$108
270 views
1 likes
0 comments
先黎梅（HKD108)
一桶飯上面仲有個魚生山！睇己經夠壯觀啦，聞都陣魚生味都已經好正！點知⋯
原來特上仲勁呀。兩個拍埋一齊真係大帽山同嘉頓山既分別呀！
咁多魚生真係要小心翼翼咁撈先唔會跌到周圍都係！最方便既方法梗係食咁啲魚生先啦😝😝😝
特上
$298
291 views
1 likes
0 comments
壯麗既特上魚生山😍
海膽十分鮮甜！新鮮！魚生飯係暖既。
第二個食法就係做手卷。
紫菜脆脆。我覺得呢個食法最好味
食到最尾剩返唔多飯，就可以將所以飯放落藍邊個碗度。再侍應拎俾師傅加湯。
第三個食法 泡飯
湯底熱到出煙，清湯內有麻醬。湯有少少蟹味。但呢個方法實在唔太得我歡心。魚生就係要生先鮮味㗎嘛。
兩位師傅用日文溝通，應該一位是日本人嘛。哈哈，感覺比較原汁原味（感覺黎架姐，事實係咪我唔識日本野唔知呀）。如果只食梅可能會有啲失望，因為到平時既魚生飯冇乜分別，當然視覺效果爆晒燈。食特上海膽鮮甜確有驚喜，但俾多兩舊水為個海膽又好似唔係好值👉🏻👈🏻
老實講，價錢唔係特別平，餐廳又比較細，排隊都有time cost喇。冇野做黎排下隊，影下相，放上網呃like,一試無防😜
Post
