金坊泰國美食

Open Now

Now Closed

金坊泰國美食，真係由細食到大的一間餐廳，第一次食泰國菜都係食佢地，覺得好好味，大個咗去食，就覺得係食個回憶，作為荃灣人，以前佢地真係晚晚排隊，而家好似就唔洗排lu～尋日同朋友過嚟食早餐，揀咗牛油多士、煎蛋，同埋一碗沙嗲牛肉公仔麵。想講講個沙嗲牛肉同一般茶記差唔多，食落唔會特別滑，又唔係特別濃味，中規中矩，唔係覺得太好食，又唔會去到難食，早餐嚟講都算大份，同埋佢加咗啲蔥花，真係香好多，唔錯！味道同之前一樣，不過多士上面個牛油就唔太好味，不過食咁多年，都慣咗呢隻味啦，過得去就算啦，呢份係港式早餐，其實唔係泰式，哈哈，不過佢多啲選擇就可以做多啲生意。好耐無嚟呢到食晚餐，或者下次又可以同另一半再過嚟，始終呢間餐廳喺荃灣咁多年，點都會好似我呢啲回頭客，係想食佢個味道再嚟的！