又一戟 (Closed)

每次去葵廣就算食到幾飽，有一樣嘢都一定會食，就係又戟一啦！已經由初中食到而家出咗嚟做嘢幾年，佢嘅味道依然咁好、價錢亦都冇點變、不過就出咗好多新花款，但係最犀利嘅係越整越好味！每次去到都係要排隊，不過佢哋做嘢好快手，所以好快就搞掂。今次食呢個士多啤梨芝士蛋糕，係我嘅王牌之選。雪糕就會揀返雲呢拿或者士多啤梨味。芝士蛋糕質地柔滑，芝士味唔算好濃，配返班戟就啱啱好啦。士多啤梨呢就多數都係酸酸地😂 但係冇所謂因為個cream係甜嘅，配埋朱古力醬就就簡直係天衣無縫啦自己鍾意佢嘅班戟皮比較薄，所以更加食得出其他材料嘅味道，而且佢嘅份量其實唔算好大，所有有時當小食都唔錯。如果想當正餐食就可以揀鹹點。上次食過榴槤芝士餅都非常之好味，推介大家試下！又一戟，冇得輸呀！