響 - Hibiki 日本燒肉 (Closed)

如果想放縱一晚建議大家去佐敦白加士街呢間開咗幾年嘅燒肉餐廳，佢一直都深受大家喜愛，尤其大家而家唔可以去日本旅行，都可以感受到當地日本嘅氣息。一入到黎見到天花同埋裝置都會有唔同嘅日本設計，包括櫻花同埋日本燈籠。仲有好多酒釀桶。只見大部份人都係準時入座次埋頭苦幹不斷燒肉，因為燒肉嘅款式都非常之多，上枱嘅時候忍唔住燒咗牛肋骨同埋和牛先，全部油香同埋脂肪比例都恰到好處次睇到塊肉有少少半透粉紅色，我就知我可以準備開動啦！桌上面仲有好多點餐紙，可以不斷加單，但係要留意最後嘅下單時間就係結帳前半小時，大家要把握機會啦！我飲咗呢度嘅玫瑰花茶，味道清新又夾，可以一解口中嘅肥膩。另外仲有海鮮豆腐湯可以喺出邊添加，豐富用料，有墨魚蜆肉，仲有豆腐粒粒，終於可以唔使飲日本麵豉湯啦。甜品櫃有好多唔同款式嘅雪糕雪條。最推介當然係Dreyers嘅甜筒，仲有Movenpick 雪糕，全部都係獨立包裝呢樣我最欣賞，任食真係最開心呀。