新景園咖喱小廚

Open Now

Now Closed

喺無任何資訊嘅情況下，跟朋友黎食呢間佢講好出名嘅餐廳~我地早過午飯時間到，所以唔駛排直入~但過左陣就好多人排同外賣~入到去係舊式餐廳格局，店員阿姨同叔叔好快手得黎都算都禮~一坐低望到人地食緊嘅野已經嚇親，大碟到呢！再望埋餐牌，其實都唔平，不過一場黎到，點都要試到啲名菜嘅~結果係打包一半走人……建議2個人share就好~但眼見就好多藍領嘅男士都好捧場，應該食得佢地好滿足~🔹咖喱豬扒飯🔹 黎到自己面前，視覺更加震撼！豬扒多到遮住啲飯！豬扒外脆內軟，食落好鬆化，而且好入味~不過咖喱汁就一般，唔算香辣，無乜特別~🔹乾炒牛河🔹又係超大碟，牛内好淋，好足料~但炒河都算有鑊氣~