LOG-ON Café (Closed)

最近log on cafe翻新左，兼且同藝術家合作將藝術觀賞融入餐飲，於是去試下餐廳環境明亮簡潔，放左好多色彩鮮豔嘅工筆畫，係充滿藝術氣息下食lunch都幾有feel叫左個set, 有個蘑菇濃湯，南瓜沙律，croffle，日式炸餃子，軟殼蟹意粉，同埋牛奶布丁。我另外再叫左杯matcha latte，結果份量太多食唔晒。先講個湯，佢係用好多蘑菇打磨而成，菇味濃郁而且口感豐富南瓜沙律係個set最清新嘅食物，食材配搭都幾好croffle係citysuper little mermaid嘅出品，好香牛油味，不過有dd韌炸餃子就太多蛋黃醬lu，同埋如果係煎嘅會更好，呢個價錢唔expect會係呢個質素個軟殻蟹意粉就真係幾好食，好creamy牛奶布丁都幾香甜奶滑，不過個人口味比較鍾意冇咁水嘅布丁最後要推介下個matcha latte，好似milkshake 咁，好濃厚嘅味道！整體上都幾好食，係貴左少少，但份量多，可以兩個人分另外要讚下d畫好高質，睇到畫家細膩豐富嘅畫風，不過個bgm就唔係太夾成個experience la, 建議細聲少少