武士拉麵 (Closed)

今次同朋友分別叫左蕃茄豬骨湯底既坂上將軍拉麵同鹽味豬骨湯底既織田將軍拉麵。顧客可按個人喜好去揀湯底既濃度，拉麵嘅麵質同粗幼度。我地2碗都係全部野揀哂普通，但略嫌麵質都係有少少偏硬，下次可以叫軟身。而且成碗麵份量都好多，正常食量既女仔應該食唔哂。湯底方面，豬骨湯底味道唔算太濃，唔算好特別，一般拉麵湯底既味道。反而蕃茄湯底好濃郁，好開胃，食落冇咁漏。枱上有建議加特製魚油，但其實冇乜魚味，又增加成碗麵既油膩感，唔加都冇損失。用火槍燒過既叉燒係大驚喜，有一陣焦香味，肥瘦都適中，好正！但加錢加既溏心蛋就有d失望，唔算好入味又唔算好溏心。拉麵店細細間，用左傳統日式拉麵店設計，老闆好talkative會主動同你打牙骹，就算自己一個去食都唔會悶，會下次去試埋其他將軍拉麵。