Video
Read full review
2022-03-27
223 views
疫情持續左兩年有多， 試過中左招唔出得街，而家有抗體，更加唔想留響屋企！當然如果我自己一個住就應該唔同講法。咁黑仔今朝一擘大眼見到成個廚房水浸，搞到一朝早起身就係咁喺度索水拖地，搞咗成兩粒鐘先可以出門口，連個天都唔鍾意我😭琴晚已經諗好今日嘅行程，係比原定計劃遲咗少少。呢間Cafe其實係佐敦另一間good day 嘅姊妹店,佐敦嗰間我去過一次,雖然地方好細,但係好有佢嘅特色. 我記得當日我行到身水身汗，等咗一輪先有位坐，個店長都好有禮貌同我推介有咩啱我，今次嚟到佢嘅姊妹店反而冇去佐敦嗰間咁有親切感。因為上次食過一款夾包好食，（好有日本嘅感覺）冇平時嗰啲三文治咁大份，可以俾我呢啲眼闊肚窄嘅人試多樣野。今次我以為自己叫返同一樣嘅夾包，點知嚟到都係俾咗份三文治我，等我仲嗌多咗款甜點飽到上心口。雖然佢份三文治係好新鮮好Fresh，個presentation亦都好好，唔知點解佢可以整到份烘底三文治上左枱之後仍然咁香脆。本身我係想叫佢嘅scone 點知又冇，胡亂咁樣點左一款奶油曲奇🍪，點知勁多油，除咗包住曲奇嗰張雞皮紙索晒油，連佢俾我嗰兩張餐紙巾都沾滿晒油！🥵感覺唔係太良好，好邪惡咁。可能佢幫我返熱
當然如果我自己一個住就應該唔同講法。
咁黑仔今朝一擘大眼見到成個廚房水浸，搞到一朝早起身就係咁喺度索水拖地，搞咗成兩粒鐘先可以出門口，連個天都唔鍾意我😭
琴晚已經諗好今日嘅行程，係比原定計劃遲咗少少。呢間Cafe其實係佐敦另一間good day 嘅姊妹店,佐敦嗰間我去過一次,雖然地方好細,但係好有佢嘅特色. 我記得當日我行到身水身汗，等咗一輪先有位坐，個店長都好有禮貌同我推介有咩啱我，今次嚟到佢嘅姊妹店反而冇去佐敦嗰間咁有親切感。
因為上次食過一款夾包好食，（好有日本嘅感覺）冇平時嗰啲三文治咁大份，可以俾我呢啲眼闊肚窄嘅人試多樣野。今次我以為自己叫返同一樣嘅夾包，點知嚟到都係俾咗份三文治我，等我仲嗌多咗款甜點飽到上心口。雖然佢份三文治係好新鮮好Fresh，個presentation亦都好好，唔知點解佢可以整到份烘底三文治上左枱之後仍然咁香脆。
本身我係想叫佢嘅scone 點知又冇，胡亂咁樣點左一款奶油曲奇🍪，點知勁多油，除咗包住曲奇嗰張雞皮紙索晒油，連佢俾我嗰兩張餐紙巾都沾滿晒油！🥵感覺唔係太良好，好邪惡咁。可能佢幫我返熱左啦。
雖然餐廳周圍都有溫馨提示叫我哋要enjoy唔好睇電話平板，但係我諗都好難做得到，又要打卡影相，如果唔睇手機唔通睇吓書？但係你見到出面啲人排晒隊你又點好意思喺度睇書？或者平日佢哋可能會好啲掛
整體感覺都係佐敦嗰間好啲，雖然呢一間土瓜灣店對我來講係方便啲！
奶油曲奇
13 views
0 likes
0 comments
Post
