Video
Read full review
2024-12-01
0 views
星期日去科學園有活動，跟住路過見到呢間餐廳好似唔錯就想試下，點知伏咗。入到去見到full曬得返一張四人檯空嘅，未執，又無店員黎招待就諗住坐住等下。過咗陣去問店員先知原來要等佢派飛叫入座…但佢地運作真係好奇怪🥴 係完全嚴重人手不足，成間鋪得兩個店員負責曬接待、整嘢飲嘢食、上菜etc🫨咁好啦，我地企門口等佢執檯，之後佢叫號無人應，就話比我地入座，問咗句：你地係咪三個人呀？我地：唔係呀，淨係兩個咋。佢：咁要留檯比四位呀，你地等下二人檯啦跟住就走咗，似乎唔記得派飛比我地😅咁我地咪唯有企門口等…望住張無人坐嘅四人檯😓 等咗差不多10分鐘都無四人入座又無二人檯空出黎，反而有其他二人小組想入座。我地實在唔想再白等就連同排後面嘅二人組一齊問店員：宜家有四個人啦，可以入座嗎？佢諗咗諗先終於應承🤗嘢食部分都叫做無咩特別啦，QR code落單，無倒水比我地。個豬排都幾乾…好在咬得開，但舊骨痴住嘅肉已經唔想咬，河粉正常。咖央多士好脆！醬都ok，不過內餡個牛油仲係少少凍🤔 咁我同朋友一齊叫咗一個lunch set share食仲加錢叫多士，嗰度已經$171未計+1，已經平均每人消費超過$85😅 但店員堅持話得一
咁好啦，我地企門口等佢執檯，之後佢叫號無人應，就話比我地入座，問咗句：你地係咪三個人呀？
我地：唔係呀，淨係兩個咋。
佢：咁要留檯比四位呀，你地等下二人檯啦
跟住就走咗，似乎唔記得派飛比我地😅
咁我地咪唯有企門口等…望住張無人坐嘅四人檯😓 等咗差不多10分鐘都無四人入座又無二人檯空出黎，反而有其他二人小組想入座。我地實在唔想再白等就連同排後面嘅二人組一齊問店員：宜家有四個人啦，可以入座嗎？佢諗咗諗先終於應承🤗
嘢食部分都叫做無咩特別啦，QR code落單，無倒水比我地。個豬排都幾乾…好在咬得開，但舊骨痴住嘅肉已經唔想咬，河粉正常。咖央多士好脆！醬都ok，不過內餡個牛油仲係少少凍🤔
咁我同朋友一齊叫咗一個lunch set share食仲加錢叫多士，嗰度已經$171未計+1，已經平均每人消費超過$85😅 但店員堅持話得一杯嘢飲唔得，低消一定要兩杯嘢飲🙄 我地無奈到：…….
最平嘅嘢飲可樂$28，我地平均消費個數都已經唔止啦，呢個到底係咩無理嘅要求🤷🏻♀️
最後逼我一定要加錢買杯嘢飲🙃🫠
想講咁嘅服務態度仲收+1😶唔係錢嘅問題而係實在比得好唔滿意…
所以黎食嘢小心注意啊！入座就算唔想飲嘢都一定要飲㗎😀
Post
