好豆製研究所 (Closed)

之前有排係網上成日見到好多人拎住好可愛嘅樽打卡，知道呢間原來係專賣豆乳之後，我就bookmark定，終於搵到一日經過附近去買。抹茶豆乳 $26店內都有幾多創近口味豆奶揀，睇到我有啲選擇困難症發作。最終揀咗抹茶味，但完全飲唔出抹茶甘香。如果唔睇顏色，應該會以為飲緊普通豆奶。樽身設計幾可愛，不過唔太襟用，跌一跌就會裂開。特濃豆乳 $22呢款豆奶質感會濃稠啲，豆香都相對濃郁。飲落唔會太甜，對豆奶有興趣嘅朋友可以試呢款，感覺抵飲啲。