糖宮甜品專門店 (金巴利道)

Open Now

Now Closed

尖沙咀依間「糖宮甜品專門店」有好多時令當造嘅榴槤甜品，仲有唔同嘅糖水、甜品等等。即製酥皮榴槤卷伴榴槤雪糕（單點$62），表面鋪有朱古力醬、糖粉，酥皮口感薄脆，但因為一用叉拮就會碎，加上比較薄身，唔係類似千層酥皮，所以存在感比較低，D24榴槤因為係熱食嘅關係，所以不論係甜味定係香味都比凍食嘅更加突出，內有海綿蛋糕，口感鬆軟，配以榴槤雪糕食用，冰火交融。榴槤飄香（單點$52），D24榴槤食落啖啖肉，榴槤雪糕口感幼滑，榴槤甘露口感稠身，內有西米露，三重榴槤滋味白雪（單點$45），芒果食落好Juicy，味道香甜，綠茶雪糕味道濃香，內有北海道奶凍，口感滑溜，奶味醇厚，小丸子口感煙韌，忌廉汁西米露份量多。大雜圓（單點$40），芋圓、紫薯圓、地瓜圓口感Q彈，內有餡料，花生湯圓外皮口感軟糯，內有大量花生粒，食落好香口，芝麻湯圓味道濃郁，略嫌薑茶糖水薑味淡香。