洋蔥 (Closed)

星期日約咗朋友行工展會，出發前梗要醫吓個肚先啦。但係我呢個朋友不嬲都對食物有要求，點好呢？突然諗起之前有朋友介紹有間新開嘅西餐喺附近，一於去試吓先。平時行過耀華街，唔係酒吧丶糖水舖，就係婚紗、時裝店。原來呢棟大廈（百樂中心）集中咗好多食肆㗎！上到去19樓間餐廳，有好多窗口位，同埋大部分都可以望到跑馬地馬場㗎！坐低之後，個侍應介紹佢哋今日啱啱轉咗新餐單，同埋新加自選醬汁嘅方式添！餐湯可以揀忌廉粟米湯或者洋蔥湯…頭盤仲有沙律啦，疏乎厘啦…吓！！！疏乎厘唔係甜品嚟㗎咩？仲加咗波菜同發達芝士…即係點呀！呢度個廚師係咪有D問題呢？個侍應見我塊面咁多問號，佢就show 佢哋個facebook fan page 啲相俾我哋睇。啊！原來係咁！大家睇相就明㗎啦！波菜嘅鮮嫩丶香濃嘅發達芝士丶淡淡嘅蛋香，再加埋落咗黑醋嘅雜菜沙律，呢個配撘原來又幾好味喎！主菜方面，我就揀咗燒烤原隻法國春雞。醬汁方面有洋蔥汁、紅酒汁丶黑椒汁丶迷迭香燒汁同野菌汁。最後聽個侍應推介，我揀迷迭香燒汁。之前有朋友試過佢哋嘅燒雞都話OK。我無信錯佢。真係好好味，唔使點汁都咁好食。仲要嫰滑多汁，連雞胸位丶同脾位，都一樣咁滑。個侍應幫我問廚