Video
Read full review
2023-01-09
1004 views
首先，我想講我本身都唔係一個特別鍾意投訴嘅人。而且我都好少喺呢度寫comment。但係我真係覺得呢間嘢差到一個點，嬲到我建議大家食飯之前要考慮下，係嘢食唔係特別好食嘅前提之下，係咪真係需要被咁嘅價錢買咁嘅服務。舊年去過一次同公司同事食飯。嗰陣人多book咗間房，公司同事仲塞咗$500超速俾個韓國姐姐做tips 當下覺得食物質素唔差，而服務都冇咩問題。點知到今時今日先知原來有比貼士同冇俾貼可以又爭咁遠⋯ 😢我同朋友兩個食飯， 一入門口有個講韓文嘅老伯伯（應該係老闆）問我預約電話號碼，咁我咪用韓文答番佢囉。坐低之後，我哋叫咗一份醬油蟹、一份燒鰻魚、一份海鮮煎餅，同埋兩支啤酒，然後上左小菜。有豆腐、炒魷魚絲、小魚乾、辣醃乾蘿蔔、翠玉瓜，同埋生泡菜。到呢度都覺得冇問題，成件事好正常。但係點知一上咗鰻魚，有位疑似老闆娘走過來同我哋烤饅魚嘅時候，佢聽到我哋用廣東話傾偈，於是就用韓文問咗句係咪唔係韓國人（한국사람 아니시죠?) ，而且個態度我覺得係有啲差。我話唔係呀，我係香港人。老闆娘竟然話，你下次黎食飯記得要表明你係香港人。我當下心諗關咩事，呢個位已經好想爆佢，但係我唔想影響同朋友食飯心情，我就話
舊年去過一次同公司同事食飯。嗰陣人多book咗間房，公司同事仲塞咗$500超速俾個韓國姐姐做tips 當下覺得食物質素唔差，而服務都冇咩問題。點知到今時今日先知原來有比貼士同冇俾貼可以又爭咁遠⋯ 😢
我同朋友兩個食飯， 一入門口有個講韓文嘅老伯伯（應該係老闆）問我預約電話號碼，咁我咪用韓文答番佢囉。
坐低之後，我哋叫咗一份醬油蟹、一份燒鰻魚、一份海鮮煎餅，同埋兩支啤酒，然後上左小菜。有豆腐、炒魷魚絲、小魚乾、辣醃乾蘿蔔、翠玉瓜，同埋生泡菜。
到呢度都覺得冇問題，成件事好正常。
但係點知一上咗鰻魚，有位疑似老闆娘走過來同我哋烤饅魚嘅時候，佢聽到我哋用廣東話傾偈，於是就用韓文問咗句係咪唔係韓國人（한국사람 아니시죠?) ，而且個態度我覺得係有啲差。
我話唔係呀，我係香港人。老闆娘竟然話，你下次黎食飯記得要表明你係香港人。我當下心諗關咩事，呢個位已經好想爆佢，但係我唔想影響同朋友食飯心情，我就話：哦好啊，但係點解? 啊老闆娘話：香港人同韓國人會比唔同既小菜，依家你枱上面啲小菜錯晒。
我聽到呢度其實有少少嬲同埋不解。到底點解你餐廳要將香港人同韓國人區分。仲要成個對話語氣，我覺得有啲似上司對下屬☹️
去到烤鰻魚嘅部份，如果有去過都知道，呢間嘢啲職員好忙，好大部份時間都唔得閒理你。啊老闆娘烤到一半個人走咗，然後我feel到條魚開始有啲燶，舉手都無人理，我就拎起咗個鉗打算返一返d鰻魚。佢呢個時候先至突然之間衝過嚟，講咗句：未得㗎！然後幫手反d鰻魚。都係嗰句，態度好差。我係咪要等到條魚燶咗先可以叫你過嚟？ 😒
燒鰻魚嘅配套都叫做做得足。有鰻魚醬，同埋有醃芝麻葉。
講到醬油蟹，其實份鰻魚同醬油蟹差唔多同一時間上。係有個韓國哥哥上咗醬油蟹之後，佢有講低，稍後會有另外一位職員拎個飯過嚟幫我哋撈飯。
然後份醬油蟹擺咗喺度差唔多半個幾鐘⋯⋯ 直到有個阿姨比老闆娘破口大罵佢先慢慢拎個飯過嚟 🙃
個飯係ok嘅，個醬油蟹都唔錯。
最後上個海鮮煎餅比佢咁攪完都冇心情影相啦⋯ 反正成個體驗好差🥲 未必會在去啦⋯
Post
