樂怡餅屋 (Closed)

限聚令下一家人要出去食飯要分檯，所以都係留喺家慶祝。而家啲蛋糕都幾貴，不過呢間真心抵，又多款，我見有啲人訂3D造型蛋糕好吸引真係好靚，好過好多連鎖店。我地好簡單，要咗個彩虹雜果蛋糕🌈，138蚊，上面有2粒馬卡龍，早三日訂加埋字👍。講真就唔係話好好食，cream 都比較多，生果喺中間嘅，唔多，馬卡龍例牌超甜，不過賣相好靚，面仲有啲雲，小朋友見倒好開心，又唔貴用嚟打下咭一流，一家人食下飯，幸福就係咁簡單💗💗。