Video
Read full review
2020-05-18
2609 views
2020年5月9日。九龍灣。晴。疫情放緩咗少少，終於可以同男朋友拍下拖～呢日就去大渣哥朝聖！名不虛傳嘅大渣哥雖然位置有些少夾攝，平時都係寫字樓客多但係喺周末嘅午餐時間都大排長龍烈日當空之下，我哋兩個都要排咗差唔多20分鐘先入到去入面緊係坐無虛蓆喇～未落單就喺餐廳度見到一個平時只係喺電視見過嘅身影！係譚文豪議員呀～佢呢日去咗大渣哥做兼職侍應坐對面嘅婆婆好開心咁搵佢合照，非常親民～然後就認真睇餐牌喇～選擇非常多，而且渣哥好過分咁全部食物（除咗甜品）都mark咗推薦手指公！想講咁樣係完全幫唔到選擇困難症食客㗎！除咗選擇多之外，啲食物名都好有心思～低溫麻辣口水雞飯，$64低溫烹煮嘅雞，肉質非常嫰滑～雞皮爽脆！個汁真係好邪惡，我為咗食晒個汁，所以食晒咁大兜飯！醬汁嘅麻同辣啱啱好，唔會辣得過分，再加埋適中嘅鹹味，好惹味～～～XO醬叉燒蔥花滑蛋飯，$56呢個飯都係不得之了！！！男朋友係常客，佢話最鍾意就係呢個飯咁我緊係要偷啲嚟食下喇～果然真係超級好味！！啲叉燒唔會太肥，XO醬又有少少辣仲有啲豉油，加埋叉燒嘅蜜味，有啲鹹、有啲甜、又有啲辣味道豐富～凍醇滑鴛鴦，跟餐加$3鴛鴦夠滑～咖啡同奶茶嘅味道都好平
疫情放緩咗少少，終於可以同男朋友拍下拖～
呢日就去大渣哥朝聖！
名不虛傳嘅大渣哥雖然位置有些少夾攝，平時都係寫字樓客多
但係喺周末嘅午餐時間都大排長龍
烈日當空之下，我哋兩個都要排咗差唔多20分鐘先入到去
入面緊係坐無虛蓆喇～未落單就喺餐廳度見到一個平時只係喺電視見過嘅身影！
係譚文豪議員呀～佢呢日去咗大渣哥做兼職侍應
坐對面嘅婆婆好開心咁搵佢合照，非常親民～
然後就認真睇餐牌喇～
選擇非常多，而且渣哥好過分咁全部食物（除咗甜品）都mark咗推薦手指公！
想講咁樣係完全幫唔到選擇困難症食客㗎！
除咗選擇多之外，啲食物名都好有心思～
低溫麻辣口水雞飯
$64
112 views
0 likes
0 comments
低溫麻辣口水雞飯，$64
低溫烹煮嘅雞，肉質非常嫰滑～雞皮爽脆！
個汁真係好邪惡，我為咗食晒個汁，所以食晒咁大兜飯！
醬汁嘅麻同辣啱啱好，唔會辣得過分，再加埋適中嘅鹹味，好惹味～～～
XO醬叉燒蔥花滑蛋飯
$56
73 views
0 likes
0 comments
XO醬叉燒蔥花滑蛋飯，$56
呢個飯都係不得之了！！！
男朋友係常客，佢話最鍾意就係呢個飯
咁我緊係要偷啲嚟食下喇～
果然真係超級好味！！
啲叉燒唔會太肥，XO醬又有少少辣
仲有啲豉油，加埋叉燒嘅蜜味，有啲鹹、有啲甜、又有啲辣
味道豐富～
凍醇滑鴛鴦
$3
42 views
0 likes
0 comments
凍醇滑鴛鴦，跟餐加$3
鴛鴦夠滑～咖啡同奶茶嘅味道都好平衡～
凍港式奶茶
$3
42 views
0 likes
0 comments
凍港式奶茶，跟餐加$3
男朋友嗌嘅奶茶
埋單平均每人$63，抵食又好味！！
希望分店可以越開越多！
Post
