Video
Read full review
2022-01-27
49 views
-🦄鮨勝 @sushikatsu.hk-おまかせ18品 Hkd688Rating🌕🌕🌖🌑🌑-相隔大約1個月嘅時間 我再次投入廚師發辦嘅懷抱因為疫情禁晚市堂食嘅關係 好多餐廳都作出改變特別係Omakase嘅餐廳 會多咗下午茶時段嘅選擇所以我今次嚟到鮨勝 都係食1600呢個下午茶時段-當日1600就只有我同朋友兩個人 餐廳無其他食客可以兩個人包場 慢慢享受呢個Early Dinner都幾嘆-而我就叫咗Omakase 18品套餐 包含多款精緻料理今日就先同大家分享前菜 刺身 茶碗蒸同埋天婦羅♦️水雲漬▪️Rating🌕🌕🌕🌕🌑。先嚟係開胃前菜嘅水雲漬 係我去沖繩嘅必食小食酸甜嘅味道最能夠打開你嘅味蕾 迎接之後嘅料理份量唔多 剛剛好一啖就食完了 好鍾意呢種小清新♦️鮑魚▪️Rating🌕🌕🌕🌕🌑。師傅話鮑魚經慢煮3小時 所以口感上比較軟淋我個人幾鍾意呢個鮑魚嘅口感 好容易就能夠咬開雖然忘記咗佢是否經清酒烹煮 不過味道真係好清醇我最後都飲哂鮑魚底下嘅清湯 感覺上會更有滿足感-♦️北海道花咲蟹▪️Rating🌕🌕🌕🌑🌑。之前曾經都去過北海道食原隻花咲蟹 不過有啲失望花咲蟹雖然好大隻 但實際上可以食用嘅蟹肉並唔
🦄鮨勝 @sushikatsu.hk
-
おまかせ18品 Hkd688
Rating🌕🌕🌖🌑🌑
-
相隔大約1個月嘅時間 我再次投入廚師發辦嘅懷抱
因為疫情禁晚市堂食嘅關係 好多餐廳都作出改變
特別係Omakase嘅餐廳 會多咗下午茶時段嘅選擇
所以我今次嚟到鮨勝 都係食1600呢個下午茶時段
-
當日1600就只有我同朋友兩個人 餐廳無其他食客
可以兩個人包場 慢慢享受呢個Early Dinner都幾嘆
-
而我就叫咗Omakase 18品套餐 包含多款精緻料理
今日就先同大家分享前菜 刺身 茶碗蒸同埋天婦羅
$688
0 views
0 likes
0 comments
♦️水雲漬
▪️Rating🌕🌕🌕🌕🌑
。
先嚟係開胃前菜嘅水雲漬 係我去沖繩嘅必食小食
酸甜嘅味道最能夠打開你嘅味蕾 迎接之後嘅料理
份量唔多 剛剛好一啖就食完了 好鍾意呢種小清新
♦️鮑魚
▪️Rating🌕🌕🌕🌕🌑
。
師傅話鮑魚經慢煮3小時 所以口感上比較軟淋
我個人幾鍾意呢個鮑魚嘅口感 好容易就能夠咬開
雖然忘記咗佢是否經清酒烹煮 不過味道真係好清醇
我最後都飲哂鮑魚底下嘅清湯 感覺上會更有滿足感
-
♦️北海道花咲蟹
▪️Rating🌕🌕🌕🌑🌑
。
之前曾經都去過北海道食原隻花咲蟹 不過有啲失望
花咲蟹雖然好大隻 但實際上可以食用嘅蟹肉並唔多
今次有埋師傅細心拆肉 配上特調啫喱 是一大享受
可以品嘗到花咲蟹嘅鮮甜 唯獨係佢份量實在太迷你
基本上一啖就無咗 未能夠認真品嘗到當中嘅奧妙🥺
。
♦️帆立貝刺身
▪️Rating🌕🌕🌕🌕🌗
-
佢可以話係我全餐最滿意 同埋最有記憶點嘅一環
首先粒帆立貝夠大粒又夠厚 入口細嫩好滿足呀
好多時啲師傅都鍾意一開二 將粒帆立貝切開一半
而我就正正好討厭呢種做法 原粒上就最深得我心
-
帆立貝鮮味十足 而且佢有一樣好特別嘅地方🤓
就係會配上原塊檸檬片 同埋一種酸酸甜甜嘅醬汁
成件事係好開胃好清新 我都係第一次食到呢種配搭
亦都係其他日式餐廳好少可會見到嘅做法及配搭
我表示十分之滿意 係呢度想給予5星星好評💫
$688
0 views
0 likes
0 comments
♦️金目鯛刺身
▪️Rating🌕🌕🌑🌑🌑
。
不過呢款金目鯛刺身就稍微有少少🤏🏻失望喇 可惜
雖然佢嘅色澤唔錯 但係最不能接受係食到有筋…
仲要條筋都幾大條幾韌下 咬咗好耐都咬唔斷omg
我只係Focus咗係條筋上面 都食唔到魚嘅鮮甜味
-
♦️富山縣白蝦
▪️Rating🌕🌕🌕🌑🌑
。
白蝦嫩滑細緻 同樣地都係一啖就食完 份量比較少
假如可以比多少少🤏🏻白蝦 可以認真啲試到佢嘅甜
不過 面頭嘅彩色芝麻真係好香 味道頗為濃烈😉
只係灑咗幾粒芝麻 就可以帶動到成兜白蝦嘅香味
-
♦️煙燻椿魚
▪️Rating🌕🌕🌕🌗🌑
。
已經忘記了佢係經過煙燻還是用燒嘅形式去烹調
表皮微微金黃色 好靚 魚肉夠嫩滑 頗有咬口 好食
最欣賞佢面頭嘅自家製醃紫洋蔥絲 同條魚好夾呀
洋蔥絲的而且確係令到魚肉嘅層次再度昇華 唔錯~
-
♦️蟹肉茶碗蒸
▪️Rating🌕🌕🌗🌑🌑
。
蟹肉部分唔多 配上海藻同埋面頭嘅玻璃芡一同奉上
味道主要比海藻搶風頭了 主要係食到佢嘅鹹香🧐
反而蟹肉係一個輔助嘅角色 而蒸蛋質素中規中矩
蛋係夠滑嫩 唔會過分水嫩又或者過分厚實 口感👌🏻
不過欠缺咗一份蛋香味 味道嘅層次好單一 偏鹹…
$688
2 views
0 likes
0 comments
♦️金鯛天婦羅立鱗燒
▪️Rating🌕🌕🌗🌑🌑
-
原本應該係供應燒物 師傅突然間轉咗天婦羅比我
不過因為我自己唔食天婦羅 所以就比咗朋友食
而朋友唔鍾意食魚皮 所以佢唔好面頭嘅立鱗燒
相信口感上一定係脆卜卜好香口 天婦羅色澤唔錯
炸粉唔會好厚 洽到好處 始終魚肉先至係主角呀嘛
。
天婦羅做到外脆內嫩 旁邊嘅梅子 薑芽酸酸甜甜
更加可以清走油炸天婦羅嘅少許油膩感 唔錯👏🏻
-
♦️紋甲魷魚壽司
▪️Rating🌕🌕🌕🌗🌑
。
先嚟打頭陣嘅有魷魚壽司 對我而言係幾有驚喜👅
口感上十分嫩滑 打破咗傳統魷魚就係好韌嘅觀念
反而佢食落好似食緊蝦壽司咁 爽嫩彈牙 幾好食👏🏻
面頭少許嘅彩色芝麻做點綴 可以增添香氣 係加分位
反而我覺得 魷魚壽司唔需要太多調味都可以好好食
-
♦️鯖魚壽司
▪️Rating🌕🌕🌕🌕🌑
。
呢款壽司都一樣幾有驚喜 我平時唔太鍾意食鯖魚
覺得佢油脂感過於豐富 入口有時候太油膩 少抗拒
但係師傅整嘅呢款鯖魚壽司 係我從未食過嘅味道
一啲都唔會腥 唔會感到油膩 反而好清爽又嫩口
油脂分布係洽到好處 剛剛好 食完一件會想再食
$688
2 views
0 likes
0 comments
♦️活赤貝壽司
▪️Rating🌕🌕🌕🌑🌑
。
Omakase中老是常出現嘅一款壽司 活赤貝壽司
新鮮嘅 夠厚身又夠爽口彈牙 赤貝控應該會幾滿足
夾雜係魚類壽司當中出現 可以帶出一點新鮮感😉
-
♦️牡丹蝦壽司
▪️Rating🌕🌕🌕🌗🌑
。
牡丹蝦壽司最令人有記憶點係佢面頭嘅蝦膏😳
雖然蝦膏份量唔多 但係味道好濃烈 正中我紅心
要知道 齋食牡丹蝦就只能夠品嘗到佢嘅鮮甜
再加上少少🤏🏻蝦膏 味道上嚟個180度大反轉
腦袋突然間會叮一聲 都幾醒晨 我鍾意呢個蝦膏
有食過其他烹調方法 係會再炙燒一吓 會更加香口
不過而家呢一款牡丹蝦壽司都一樣咁好食😜唔錯
-
♦️梳子魚壽司
▪️Rating🌕🌕🌕🌑🌑
。
話咁快師傅就送上最後一款壽司 我都係第一次食
梳子魚 無論係魚嘅色澤還是口感上 我都好滿意
魚嘅鮮味十足 再加上壽司有經過師傅細心調味
魚香更為突出 魚肉頗為細膩 做到微微入口即溶
-
♦️海膽壽司
▪️Rating🌕🌕🌗🌑🌑
。
本身應該係拖羅魚茸卷物 但係因為我唔食拖羅
師傅特別幫我轉咗呢款海膽壽司 而師傅都好細心
食到呢度 會主動問你要唔要少飯 驚你太飽食唔落
。
而原本係手卷嘅款式都變咗做呢粒海膽波波
海膽下面嘅飯都只係一少配角 海膽才是皇道
海膽味道夠鮮甜 只係略嫌佢太細啖 唔夠喉🥺
假如可以比多幾片 相信我嘅心靈會更為滿足
$688
1 views
0 likes
0 comments
♦️江戶前玉子
▪️Rating🌕🌕🌗🌑🌑
。
江戶前玉子比起平時普通嘅玉子燒更加特別😳
佢加入咗魚蝦蟹一同烹製而成 外表上完全睇唔出
就咁睇 好似日本蜂蜜蛋糕 食落口都比較似蛋糕
而唔係一粒蛋 又或者會食到魚蝦蟹嘅味道😗
口感唔似玉子燒架 係介乎于玉子燒同蛋糕中間
-
♦️汁物-椎茸大蜆湯
▪️Rating🌕🌕🌗🌑🌑
。
688嘅套餐有得飲呢碗椎茸大蜆湯 而唔係面豉湯
不過 我略嫌佢味道較為清淡 只係飲到蜆肉嘅鮮味
大蜆真係幾大粒 椎茸都夠爽口 不過湯汁真係幾淡
但係食到尾聲 飲返碗熱辣辣嘅湯汁都唔錯嘅 暖胃~
-
♦️甜品-北海道赤肉蜜瓜
▪️Rating🌕🌕🌗🌑🌑
。
見到甜品有時令水果而唔係雪糕真係幾開心仔(˶‾᷄ ⁻̫ ‾᷅˵)
不過平心而論 蜜瓜嘅當造季節已經過去了…
所以 佢又真係唔太甜 無咩蜜瓜嘅甜味同埋香味
唯一一點值得稱讚嘅地方就係佢夠多汁夠Juicy
如果時令水果可以提供士多啤梨或者柑都好🤓
-
呢餐Omakase都食得幾快 大約60分鐘就完場
不過過程一啲都唔趕急 唔知點解咁快就食完😂
-
總結一下今次鮨勝嘅體驗 都會感受到師傅嘅細心
同埋師傅會好有耐性地介紹返每一款食物名稱 特點
餐廳員工都幾友善 又會主動了解客人嘅要求及感想
-
688午市套餐可以食到18品確實係幾抵食 好多元化
不過 個人覺得佢每一樣嘢食嘅份量都係比較少🤏🏻
所以食到最後都唔係好飽 壽司飯量本身偏少 細粒
所以唔使少飯我覺得都好Ok 食物質素唔差架
不過又唔會話有邊一款特別有驚喜 有記憶點
-
整體而言 係抵食又值得一試嘅Omakase午餐👌🏻
-
Post
