南駅 (Closed)

嗰晚去到筲箕灣東大街覓食，行到嚟呢間Fusion餐廳，幾個月前經過仲見到裡面人山人海，似乎較為可靠，於是就幫襯買咗兩個套餐。我地點咗一份海南雞飯，有湯送。另一份係鰻魚糯米飯，因為知道糯米飯難消化，而且我地唔太鍾意，所以就請店員改成白飯。店員細心幫我地整理好外賣俾我地拎走。海南雞嫰滑，油飯好香，仲有三款醬（蒜蓉醬、酸辣醬和甜豉油）俾我地點。個湯我地估應該係雞湯，冇乜味道，但係就有一舊好大嘅雲耳。鰻魚飯啲鰻魚都係好嫰滑，醬汁唔太鹹，可以食出鰻魚嘅味道。喺海濱公園一路睇夜景一路食晚飯，疫情下的小確幸。