Bro's Cuisine

Open Now

Now Closed

朋友介紹，係IG 見到覺得好得意就試下，叫冰糕？咩嚟㗎？冰糕 $100/3杯試咗招牌開心果、伯爵茶及玫瑰荔枝。冰糕同雪糕嘅分別在於佢並唔係雪糕，而係海棉蛋糕同忌廉，但食落又有雪糕好smooth嘅質感，必食開心果味，勁濃郁，配上海棉蛋糕冇雪糕食落咁膩；伯爵茶都好濃味，唔會太甜又唔會澀；荔枝玫瑰嘅味就好岩女仔，好清新。自肥系列 $49/杯有焗田螺薯蓉配秘製田螺牛油及蟹肉雲吞配黑松露忌廉汁。田螺混合左洋蔥等香料，再加埋紅酒，牛油令成杯食落去好香口！蟹肉雲吞超大粒，蟹肉填滿成個雲吞。一杯杯叮熱就有得食，隨時想食西餐完全冇問題。