1830s Macaron (Closed)

瘋狂掃街第二站逛到嚟呢間舖, 我最鍾意就係馬卡龍, 喺雜誌, 網上都見過有介紹馬卡龍雪糕, 一直都好想試, 見到呢到既馬卡龍雪糕, 賣相真係好靚, 價錢都係$38, 大公司PAUL LAFAYET既馬卡龍細件都要十幾蚊, 呢到又大件, 好似一件西餅SIZE咁大, 仲要有埋畫花喎,  心理上覺得都抵既, 所以一定要試下, 好多款公仔圖揀, 揀咗壞蛋呢款, 而雪糕有好多種口味, 荔枝, 雲呢拿, 益力多, 抹茶, 士多啤梨, 芒果, 朱古力, 曲奇, 最後我揀咗益力多味雪糕, 我想試啲特別啲既口咪, 配料可以加2款, 我揀咗棉花糖, 男店員好好, 話棉花糖加彩色碎糖影相會更加突出同靚, 最後聽咗佢講, 之後影相店員都有教我點擺影個馬卡龍會靚啲, 製成品真係睇得又食得, 店員話要食咗個馬卡龍先, 之後先再食雪糕, 馬卡龍入口唔係脆口既, 咬落少少淋淋地, 但有煙韌既口感, 益力多雪糕入口好濃益力多味, 雪糕帶點煙韌口感, 似係自家製作, 整體上呢件馬卡龍雪糕真係物超所值, $38真係唔算太貴, 食完後係會令人難以忘懷既感覺, 下次經開一定會再幫襯