Mad for Garlic (Closed)

今晚黎到九龍塘又一城的Mad for Garlic，半開放式的設計，橙黃色的燈光，吸引了好多人等侯入座~我們一行四人，點了一個前菜、一個Pizza、兩個飯、一個意粉同一個甜品。Pizza 揀了MFG招牌意大利薄餅，Pizza 切開了8件，夠熱夠薄，餅底脆身，Pizza配料有海蝦，菠蘿和炸蒜片，仲有大量即磨芝士，味道分明有層次，有菠蘿的鮮甜、芝士的香口和炸蒜片的惹味，十分有新鮮感。意粉揀左推介的蒜香忌廉汁蟹肉及龍蝦肉意粉，這個意粉的份量很多，上枱便見到有濃郁的忌廉汁，好香滑，不算太漏。龍蝦肉的份量都唔少，每件都大大件，新鮮、肉質結實，蟹肉是蟹柳，份量唔算太多，而蒜頭味香，但又唔會覆蓋左意粉本身的味道。其中一個飯都係揀左推介的微辣檸檬忌廉魷魚韓風意大利飯，好美觀，有檸檬的酸，少少辣同蒜頭味，飯配合意大利忌廉汁都仲係一粒粒，不糊口，魷魚大件爽口有鲜味，果然係值得推介。餐廳的特色係蒜頭，但菜色原有的味道又唔會被蒜頭味cover，最重要係樣樣都熱辣辣。