嚐越 (Closed)

屋企人病了一場, 痊癒後胃口仍然不好, 所以想到可以刺激食慾但又不會太油難消化的食物, 想到越南菜比中菜清同少油, 早2日訂好位。青木瓜雞絲沙律 98, 見到青木瓜已口水直流, 因為要買到要去泰國食品店先有, 刨先一條條長細絲, 爽口得來又酸酸地, 仲有生菜絲,加左花生碎真係好香。三越 $108包括了3款小食, 兩件粉包、兩支蔗蝦、兩條春卷, 唔太抵食因份量比想像中少,蔗蝦都幾彈牙不過蝦膠其實唔多, 個粉包就比較厚身覺得一般, 春卷用米絲包起炸, 更加香口同脆。生牛肉湯河, 牛肉好嫩呀, 因靠熱湯弄熟, 仲生生地所以重牛味又嫩身。河粉分明唔覺佢油, 個湯入味。新裝修環境大左, 坐得舒服呀。假日成日都食個LUNCH 同TEA SET架, 抵好多之餘又飽肚, 所以中午都一定大排長龍。見屋企人食左幾日白粥, 好返多左食慾見到都安慰了。