梅光軒 (登龍街) (Closed)

知道梅光軒係登龍街開左新店, 次次夜晚收工想食, 都係要排隊, 終於今日上完training, 就啱時間3:30黎食Lunch, 原以為無咩人, 點知3:30都有7成滿, 看來真係唔簡單.一心諗住食最愛味噌海鮮拉麵, 點知見到隔離既客食果碗連湯都飲埋就即刻轉"灸燒叉燒拉麵", 仲有得揀湯既味道, 最後揀左最出名既醬油.好快熱辣辣既拉麵送到, 賣相吸引, 第一淡先飲湯, 以為好咸, 但飲落湯竟然帶鮮甜味, 不會死咸, 叉燒望落係豬腩肉, 但食落一點都唔肥膩, 加上燒過, 好惹味,  麵非常彈牙, 最最最欣賞加入白芝麻粒, 其實$98一碗拉麵都算有點貴, 但又覺得值得, 一大碗份量, 食完好想好想食甜品, 有汽球布丁, 蕨餅, 蛋糕, 真係好吸引, 但太滿足食唔落, 唯有留待下次, 我有睇過MENU有半碗麵, 到時就可以試多唔同類型既食品, 真心覺得這間非常體貼, 由一入門口即問熱茶定凍茶開始, 拉麵有半份, 照顧細食既客, 其他拉麵選擇又多, 照顧到唔同類型既客, 我覺得梅光軒同其他拉麵店唔同,  個人認為係整條拉麵街做得最出色