The Point (Closed)

星期六同埋男友去完灣仔的寵物展，去咗銅鑼灣食晚飯，我哋兩個突然之間好想食pizza又唔想食pizzahut ， 行到登龍街見到呢間食pizza and pasta的餐廳就入去試試。入到去坐底其實勁逼，個位又勁熱好似冇冷氣咁，食到出晒汗，全程淨係想快啲食完快啲走。我地兩個人叫左個pasta 同pizza 已經好夠飽，雖然好想試吓其他小食，但真係怕食唔晒。香蒜辣椒白酒大蜆扁意粉($154)，蜆肉幾飽滿，微辣幾開胃。牛舌pizza($168)，有成8件甘多，兩個人食有d吃力，有好多芝士，食到好濟。牛舌pizza幾特別。不過餐廳經理心情好似唔太好，黑黑地面甘，唔多想應人，希望你心情快d好番啦。