Video
Read full review
2015-02-02
5820 views
住新界的我要不是陪媽媽來買海味也不會踏足西區，因為遠嘛！今天要到灣仔辦點事情，下午也沒堂，所以就約個港島區朋友同遊西區，順道坐坐新的西港島線，到堅尼地城，再倒轉行返去上環，遊遊四環九約，尋尋舊香港的滋味～徒步走到上環，看見一個很有型霸氣的牌匾：蓮香居，恕曉晴孤陋寡聞，真的只聽過其名，但不知原來是非常有名的，行到有啲攰有啲餓，朋友就提議入去坐下，感受下舊式茶樓的風味，再重溫童年回憶。搭一層電梯就到，甫出電梯就被充滿舊香港風味的枱凳，點心車同裝修吸引着，曉晴感到非常興奮。自由坐，拎到卡就可在點心車摷嘢食，曉晴小時候都係睇點心車等嘢食經過，但原來呢到唔得架，想食就要捕住出車位，每次都出好少，所以一見車就要狗衝出去睇有咩食，諗定就要搶，唔係就等到佛誕都無得食。 曉晴三點嚟到已經臨近落場同last round時間(原來四點收工)，所以點心都只係得返大路個啲，而呢度嘅點心都係做極傳統的那些，例如棉花雞札，豬肚燒賣，所以嚟得就預左係嚟提高膽固醇的哈哈！曉晴大安指意諗住啲點心會自己過嚟唔使搶，結果一心嚟食包點既曉晴就好不幸咁錯過了一輪蓮蓉包(此時的包點只剩蓮蓉包)。 諗住等多陣會再出啦，但婆婆話未必有
徒步走到上環，看見一個很有型霸氣的牌匾：蓮香居，恕曉晴孤陋寡聞，真的只聽過其名，但不知原來是非常有名的，行到有啲攰有啲餓，朋友就提議入去坐下，感受下舊式茶樓的風味，再重溫童年回憶。
搭一層電梯就到，甫出電梯就被充滿舊香港風味的枱凳，點心車同裝修吸引着，曉晴感到非常興奮。
自由坐，拎到卡就可在點心車摷嘢食，曉晴小時候都係睇點心車等嘢食經過，但原來呢到唔得架，想食就要捕住出車位，每次都出好少，所以一見車就要狗衝出去睇有咩食，諗定就要搶，唔係就等到佛誕都無得食。 曉晴三點嚟到已經臨近落場同last round時間(原來四點收工)，所以點心都只係得返大路個啲，而呢度嘅點心都係做極傳統的那些，例如棉花雞札，豬肚燒賣，所以嚟得就預左係嚟提高膽固醇的哈哈！
曉晴大安指意諗住啲點心會自己過嚟唔使搶，結果一心嚟食包點既曉晴就好不幸咁錯過了一輪蓮蓉包(此時的包點只剩蓮蓉包)。 諗住等多陣會再出啦，但婆婆話未必有，曉晴可憐兮兮地求婆婆同經理，經理就話廚房會出多最後一轉，叫我等下。
朋友就拿了一籠蝦餃，因為是last round，所以只有三粒，朋友說內餡是百分百的蝦，彈牙爽口，但他說重點在餃皮，煙韌可口，比內餡更讓人深刻，但一籠$26真的貴，下次不會再點。
等了20分鐘有突發的車出現就馬上狗衝去搶，原來是炸點和焗點，全都是唯一一碟的，有一女茶客對我極不禮貌，也亂摷嘢，搞到我無得拎，婆婆見狀就唔理那茶客要求都把唯一一碟的名物菠蘿奶皇包給了我，很有愛！
其實曉晴很怕吃酥皮類的包點，但這裏的奶皇包是咁的，那就嘗嘗看啊！
因是賣剩的一客，所以包點已冷了，但外皮還是很脆很香，咬下一口已到餡，非常足料！外皮脆而不鬆散，很有蛋香而不油，甜而不膩，內餡不是滑溜的淡黃色，而是偏沉的黃色，因為不是用煉奶和色素溝出來，而是真正的牛奶和咸蛋黃打出來，一看一吃就知真材實料，絕不欺場，也不會很甜，食完唔涸喉，天然甜香，難怪是名物，$16有3個大大件又多餡，抵！
由三點坐到三點九，婆婆把一個大蒸籠推出來，曉晴馬上狂奔，另一位婆婆也説：「阿妹有包食啦！新鮮啊！」 那位婆婆專登揀兩個大的給我，係最後一轉包點，只有蓮蓉餡的，一碟兩個。
這是傳統包點，外皮有少少油，撕開就見溢出的蓮蓉餡和1/4粒蛋黄，把它挑出來，餡不是淡褐色？這才是正統！因為這不是加白砂糖，而是天然蔗糖，所以是深褐色而不是淡褐色，而是陣陣蓮蓉香，果然是蓮香居！！ 吃下去，蔗糖的甜把蓮蓉的香提升兼帶出來，不會像砂糖般搶味，也不會死甜，吃下去順喉舒服，百分百天然餡料，抵食好味！
這裏茶芥$12，我初初都覺得貴，但飲落就知龍鳳了，係值既，水滾茶靚就係呢啲，茶葉一流，水夠滾，泡出來的茶甘香順滑不澀喉，陣陣茶香沖去甜膩感，絕對係靚茶葉，不欺場呢，加上配合懷舊風味的裝修和茶具，比English High Tea Set還要閑息寫意！
這個下午過得很舒服，埋單$82，全日無加一，貴係貴，但要係香港搵到百分百真材實料，忠於傳統的中式點心，已經係談何容易，果然是得奬熱店，只可惜太晏嚟，好多點心都無，下次一定要再嚟啊！！包點大推介！！！
Post
