Video
Read full review
2022-04-29
1734 views
十幾年前, “帝皇” 帶一班大學同學去 “重慶大廈” 食咖喱, 年少無知, 當然大開眼界. 轉眼十年, 試過其他唔同嘅咖喱, 最後, 我最鍾意嘅都係印度咖喱, 特別係重慶大廈嘅 “7E咖喱王”.😂 話說早幾個月前開始咖喱癮發作, 試過幾次一個人嚟食 (Why not?). 現實係, 搵朋友同你嚟重慶大廈真係好困難. 問問下, “細妹” 竟然話有興趣, 轉頭搵埋 “意大利長介”.今日約咗喺重慶大廈門口集合, 然後我帶路直衝入E座 (直行, 見到警崗右轉, 去到盡頭左轉, 一直行到最尾, E座𨋢口係右手邊). 沿途好多人申手派傳單俾我哋. 上到7樓, 一梯幾伙, 其中一伙就係 “7E咖喱王”, 其餘似係賓館 (唔係講笑, 我同事 “波特” 第一日嚟香港就係住重慶大廈嘅賓館). 餐廳裝修簡單光猛, 整潔程度同茶餐廳差唔多.🥢 小食: 薄脆餅, 配綠色嘅奶酪醬. 送嘅, 好食.🥟 免治牛肉咖喱角, Beef Samosa. 皮脆, 唔油, 餡料分量充足.🐓 香燒雞塊, Tandoori Chicken. 用鐵板上, 肉質厚滑, 香料味道入晒雞肉, 超讚.🐐 串燒免治羊肉卷, Seekh K
😂 話說早幾個月前開始咖喱癮發作, 試過幾次一個人嚟食 (Why not?). 現實係, 搵朋友同你嚟重慶大廈真係好困難. 問問下, “細妹” 竟然話有興趣, 轉頭搵埋 “意大利長介”.
今日約咗喺重慶大廈門口集合, 然後我帶路直衝入E座 (直行, 見到警崗右轉, 去到盡頭左轉, 一直行到最尾, E座𨋢口係右手邊). 沿途好多人申手派傳單俾我哋. 上到7樓, 一梯幾伙, 其中一伙就係 “7E咖喱王”, 其餘似係賓館 (唔係講笑, 我同事 “波特” 第一日嚟香港就係住重慶大廈嘅賓館). 餐廳裝修簡單光猛, 整潔程度同茶餐廳差唔多.
🥢 小食: 薄脆餅, 配綠色嘅奶酪醬. 送嘅, 好食.
🥟 免治牛肉咖喱角, Beef Samosa. 皮脆, 唔油, 餡料分量充足.
免治牛肉咖喱角
28 views
0 likes
0 comments
🐓 香燒雞塊, Tandoori Chicken. 用鐵板上, 肉質厚滑, 香料味道入晒雞肉, 超讚.
香燒雞塊
33 views
0 likes
0 comments
🐐 串燒免治羊肉卷, Seekh Kabab. 又係用鐵板上, 少少羊酥味, 略嫌肉質偏乾.
串燒免治羊肉卷
32 views
0 likes
0 comments
🥘 馬沙拉燴雞, Chicken Masala. 聽講Masala 唔係正宗嘅印度菜, 而佢嘅根源係真正地道嘅奶油雞 (butter chicken). 講番食物, 雞肉嫩滑, 咖喱底加咗蕃茄同埋薑. 少辣, 撈飯一流.
瑪莎拉燴雞
23 views
0 likes
0 comments
🌶 巴辣羊, Mutton Vindaloo. 香料味重, 辣到飛起, 十分出色. 羊肉Ok. 食得辣嘅朋友一定要試!
巴辣羊
30 views
0 likes
0 comments
🧀 鄉村芝士球, Malai Kofta. 餐牌寫住 Mixed stuff vegetables cooked with cashew nuts and Indian spices. 用乳酪做嘅素丸子, 我食唔到芝士味, 軟身. 味道似奶油雞, 香料味冇咁重, 另外好香腰果味. 唔錯!
鄉村芝士球
15 views
0 likes
0 comments
🐟 馬沙拉燴魚, Fish Masala. 魚肉出奇地正常喎.
馬沙拉燴魚
29 views
0 likes
0 comments
🍹 芒果乳酸, Mango Lassi. 用嚟解辣, 好飲.
芒果乳酸
19 views
0 likes
0 comments
🤗 總結一下: 一個字, 超級好食. 今日點咗兩款烤肉, 四款咖喱. 我食白飯, “細妹” 食烤餅 (Naan), 佢話 Naan 嘅質素未係最好, 我唔知, 反正我覺得咖喱撈白飯最好食. Chicken Masala 係必點. 如果我一個人嚟食就係食 Masala. 呢度嘅 Vindaloo 做得好出色, 其他地方搵唔到. 我建議食雞. 雖然應該係雪藏, 但係穩陣, 海鮮同魚有機會中伏. 整體水準超讚. 印度咖喱之王, 當之無愧.
P.S. 相片由朋友 “意大利長介” 提供.
Post
