Video
Read full review
2021-05-21
1090 views
之前屋企人食過佢哋嘅鐵板燒，因為話個二人同行好抵食，睇過佢哋嘅相又真係好豐富，於是決定同gf試下佢哋嘅omakase。未食之前見佢哋開係利園，心諗都算係一個高檔嘅位置，本來有啲期待。坐低叫咗$1380嘅餐，兩杯梅酒。梅酒就已經好一般。食咗兩碟頭盤，都覺得ok。開始食刺身喇，一上抬就嚇一跳，雖然知道你係一人價錢，但碟刺身好似200Lunch set咁。。。 啲刺身細細件仲要擺埋晒係碟仔度一齊上。。。我心諗都算啦，始終價錢係平，我gf 已經開始有嘢講 之後開始食壽司啦，食到唔知第二件定第三件，個侍應突然喺後面上咗碟熟食上來，我即刻O咗咀啦，如是者，繼續一邊食壽司，佢就一邊上熟食，咁樣嘅omakase我都係第一次見識到我心諗係咪趕住落場？點解一個omakase 做到好似lunch set咁，仲要係依個位置嘅日本餐廳。之後講返食物質素，個師傅手藝固然食唔出，d壽司只係一舊魚生放喺舊飯度，飯無特別，醬油，料理方式都無特別，同我去食迴轉壽司係無分別嘅，分別在件魚生有上埋醬油個head chef 無交流都算，全程只係專心對住一個日本客，可能因為佢叫a la carte？所以要特別招呼？個head c
未食之前見佢哋開係利園，心諗都算係一個高檔嘅位置，本來有啲期待。
坐低叫咗$1380嘅餐，兩杯梅酒。梅酒就已經好一般。
食咗兩碟頭盤，都覺得ok。開始食刺身喇，一上抬就嚇一跳，雖然知道你係一人價錢，但碟刺身好似200Lunch set咁。。。 啲刺身細細件仲要擺埋晒係碟仔度一齊上。。。
我心諗都算啦，始終價錢係平，我gf 已經開始有嘢講
之後開始食壽司啦，食到唔知第二件定第三件，個侍應突然喺後面上咗碟熟食上來，我即刻O咗咀啦，如是者，繼續一邊食壽司，佢就一邊上熟食，咁樣嘅omakase我都係第一次見識到我心諗係咪趕住落場？點解一個omakase 做到好似lunch set咁，仲要係依個位置嘅日本餐廳。
之後講返食物質素，個師傅手藝固然食唔出，d壽司只係一舊魚生放喺舊飯度，飯無特別，醬油，料理方式都無特別，同我去食迴轉壽司係無分別嘅，分別在件魚生有上埋醬油
個head chef 無交流都算，全程只係專心對住一個日本客，可能因為佢叫a la carte？所以要特別招呼？個head chef全程同佢飲sake，我哋只係隨便上完件壽司，講下依件係咩嚟嘅。如果食物服務質素都ok，我本來都唔介意，但係如果你要做到咁將貨就價，連基本omakase 嘅水平都達唔到，不如就做返正價，維持返應有嘅水準仲好啦，浪費咗依個咁好嘅位置。
Post