Extra Virgin (Closed)

我同朋友都好夾到時間見面食下飯，所以難得夾到時間就二話不說就約左午餐食飯。呢間餐廳我都係第一次食，係朋友介紹既，佢話呢間每碟份量都幾大份，仲話開左無幾耐。入到去坐底無幾耐就落order，因為食物選擇不算太多，不過佢價錢都幾吸引係中環區黎講，而且仲包野飲。我叫左個檸檬汁牛油魚柳飯，黎到都嚇親，都真係份量幾多，不過好彩我都唔細食，都食得曬。而我朋友叫左個意粉，再加一個細沙律，兩杯飲品。海撒沙律有蛋真係好少見，所以呢個值得加分，仲要睇得岀佢唔係隨便放，係有心機放靚整體都唔錯，佢係開放式廚房，所以見到個廚師係到煮意粉，環境都唔錯，坐得舒服。希望佢黎緊可以多啲菜式，我買單問個老闆會唔會多啲菜式，佢話黎緊會有。