安南 (Closed)

形點開左2個月都未得閒去，襯哈佬喂 party 未夠鐘，去食個 afternoon tea 順便睇下有咩玩。去到商場已經點幾，行下睇下八下就已經2點，因為唔想食面餐，所以選擇左呢間越南菜。坐落點菜落單後同對面果個係咁吹水，等左一陣就有嘢飲喇，飲薑汁清檸蜜熱飲幾好味，薑味夠。但飲剩半杯凍左之後飲就冇晒薑味。中間有一段小插曲，由落單到等到碟炒河上枱要半個鐘! 開頭同對面吹水又有杯嘢飲所以都冇為意冇嘢食，到落單20分鐘後見到遲過我地入坐嘅都有嘢食，所以舉手問個紫色長裙 waitress 姐姐，點知姐姐只係敷衍我話 “整緊”，叫我再等下。過一陣我見唔對路就搵個裇衫姐姐問，佢聽完我講即刻向廚房方向衝左入去，出反黎覆我話 “炒緊”。 再等左一陣就有炒河食喇。唔知係咪等得耐同埋肚餓，覺得個美拖炒河好香，配料炒得好有鑊氣，河粉唔乾唔油，好味!個煱飯跟著炒河上，個煱飯其實有好多料，雞絲不在話下，仲有筍絲冬菇絲等等，煲上熱辣辣，唔錯唔錯。味精指數: 1