神樂 (Closed)

差不多戒左食生野，突然見雜志介紹，咁多好評就去左。訂左星期一 lunch 12.00，openrice訂位坐入面（好彩因我吾喜歡坐bar counter）。一陣已滿座，我地2人叫左10件sushi set+omakase。餐廳得1位server, 非常有禮又解釋清楚，問有無吾食的東西因廚司發板會盡量就。食評話呢道的sushi 會逐件上等好耐，我最怕上菜慢所以要求快上。先食份小salad, d sushi 飯比較細舊且係啡色的，有味我估係醋色不過無問，而所有的食物都係室溫，好正中，蝦有2種，好甜，魚已忘了名子但全部好食，特別係醃過夜的吞拿，好有油香，還有其他魚，蠔，海膽等。海膽好深色，與一般的好似有別但好食就得。上菜流程非常合我意，無需等食，最後上湯，顏色較深以為會鹹但味道調得剛好，夠熱。整體上係滿意的用餐經驗，唯一係食完無耐我已肚餓，可能我比較大食，要加下午茶。平日還有9折，真係非常底食。