碧士文 (東利商業大廈)

Open Now

Now Closed

👍🏼抵食指數：⭐️⭐️😋好食程度：⭐️⭐️⭐️⭐️想食到厚厚啖啖肉嘅 #豬扒 ， 相信鐘意食豬嘅你會喺Pigsman一定搵到。一間特務主題餐廳（有種Kingsman皇家感覺，但變咗做豬），以 #豬肉 為主食，甚至薯條都唔係薯仔嚟炸，都係豬肉嚟仲要唔係靭，第一次食好有驚喜！今次試袋鼠外賣，難得自取有半價，所以一嚟試佢嘅 #卡邦尼溫泉蛋焗豬 ， #威士忌BBQ豬扒飯 ， #蔥油豬扒飯 。除咗威士忌BBQ豬扒飯比較好食之外，卡邦尼溫泉蛋飯，同埋蔥油豬扒飯，反而就有少少失色了。後兩者都偏咸，特別卡邦尼嘅汁比較多，豬扒都比較靭，食起上嚟冇威士忌BBQ豬扒飯咁好食。而威士忌BBQ豬扒飯，BBQ醬加上威士忌嘅酒香味，食起上嚟好有驚喜，亦都好特別。幼長嘅黑色外賣鐵盒，再配上威士忌嘅酒香味，確實有種英國王室嘅貴氣，食起上嚟都覺得自己有少少皇家特務嘅感覺。