北方餃子源 (榮華商業大廈) (Closed)

係鵝頸橋後有一間裝修得古色古香嘅餃子店，連蔡瀾都有推薦，而且無喊，一定有水準保證。橙黄色嘅燈光，加埋木枱木椅，有著中國味道。簡單嘅餐牌，水餃、煎餃、前菜、上海麵同飯。京式醬蹄一小碟約六件$44都幾貴。醬蹄肉質較實，豬皮同肉之間位置夾集了好多骨膠原，口感十足。醬汁提升左味道，可惜俾得少左d。天氣熱，食炸醬冷麵最適合不過。麵條質素中矩中規，未至於過腍或易斷。炸醬份量幾多，肉碎足，切得幼細，唔會一大舊肉，夾雜了洋葱同豆腐乾粒。炸醬並不辣，有少少芝麻醬味，甜甜地，拌著青瓜絲食，夠清爽。最後係餃子，蒸餃同煎餃各叫一份試味。個人應為餡較清的用蒸的更可帶出鮮味，相反，味道濃嘅餡用煎就更香口惹味了！蒸餃要左鮮肉韮菜餃，個皮夠薄，餡都大，韮菜同肉比例剛好，咬落爽口。煎餃試左重口味嘅京葱羊肉餃。唔似煎餃，似平時d炸雲吞，成個餃子都煎至脆口，唔會淨係煎個底。煎餃一咬肉汁就流出，有點意外，本來以為會乾身。羊肉味勁重，鐘意羊肉嘅朋友一定會愛上。