民華餐廳 (Closed)

今日同同事去食晏，我哋成日都想飲茶，不過兩個人又叫唔到乜嘢食，所以次次想飲茶就去遠啲，搭多幾個站，去西環呢間民華茶餐廳度，因為呢度都有一盅兩件，每次我哋去都會食盅飯我今次食煎蛋牛肉飯，大大盅，最鍾意呢度自家製醬油，甜豉油用嚟送飯特別好味北菇蒸雞飯啲雞大大嚿，最正係啲飯有晒雞油味，飯以乾身，一粒粒米好分明叫咗幾個點心，兩個人食三個點心搞到我地好似好大食咁雞札大大嚿，雞肉鮮嫩入邊芋頭好有口感。金錢肚好林好入味，小小辣送飯最好最後轉天氣飲返兩杯煲檸樂，2個女人仔Ko咁多野食，待應都話我地今日好好胃口😂