盈苑海鮮酒家

Open Now

Now Closed

同老公去土瓜灣欣榮花園探姨婆，之後一齊去商場新開嘅盈苑海鮮酒家食晚飯，酒家佔地都很大，有天花上的水晶燈襯托，燈光份外明亮，凸顯高雅。座位寬敞，主打菜式包括炭香窯燒雞、冰鎮咕嚕肉，亦設有海鮮缸，有不同生猛海鮮供客人選購。窯燒雞套餐是必叫。炭香窯燒雞即叫即燒，燒至金黃色完隻上枱，當剪開雞肚時，除咗爆出肉汁，入面還藏有迷迭香草增加香味，雞皮香脆可口，肉質嫩滑入味，令人回味無窮！冰鎮咕嚕肉：咕嚕肉用冰底墊底一大盆上枱，咕嚕肉外層鬆脆，外冷內熱，肉汁豐溢，醬汁酸酸甜甜，口感層次分明。沙巴虎班雖然係晚市做優惠，但魚都算大條，蒸時間控制得啱啱好，加上蔥絲和蒸魚豉油，魚肉又香又嫩滑，超抵食。古法扣羊腩煲：用明火滾住食，羊肉選用黑草羊，肉質軟腍，點些腐乳食味道更濃郁，煲內還有豐富配料，有爽口嘅厚冬菇、馬蹄、支竹，沾滿醬汁食更是惹味香濃！再放入生菜灼幾下，菜吸收醬汁及羊肉精華後更滋味！豉油王焗海生蝦：海生蝦彈牙，每隻都沾滿豉油王醬汁，十分惹味！