入麵 (Closed)

又來到石門搵食，見到呢間店名好特別嘅入麵，主打手工麵條，而且都幾多支持客，就吸引左我入去入麵喇呢度嘅午市套餐價錢經濟，亦有多種配搭，特別在有專為素食人士而設嘅菜式，食素嘅朋友黎就唔會淨係得蔬菜可以選擇，十分體貼。今次我就選擇左入麵堆介嘅鹽酥雞球+蕃茄湯麵+熱珍珠奶茶。 首先上菜嘅鹽酥雞球，新鮮即炸，咬落皮唔會好乾，炸皮薄，雞球鮮嫩多汁，大大舊食落啖啖肉番茄湯麵，份量頗大碗，湯底除咗蕃茄粒仲有粟米粒，只可惜麵質偏淋，見到啲麵已經痴到成塊麵餅，好難夾起。麵質無咬口好易斷，湯底亦比較清無咩蕃茄味，整體黎講唔吸引，始終餐廳主打麵條但食落反而有啲失望 餐飲冷熱同價，哩杯熱珍珠奶茶用外賣杯，方便飲唔晒都可以拎走，奶茶幾滑溜，珍珠亦好彈牙