Video
Read full review
2022-06-25
572 views
去開九龍城見客，順便約埋某人收工响附近食晚飯，經過呢間店舖見到易拉架嗰個任食套餐好吸引2人只需要$398另外+10%，每人加多$20就有埋任飲添。任食包括烤魚、秘製古早羊腩煲、台式香辣雞煲、台南南乳豬手煲，仲可以無限追加美國肥牛、台式水餃、士林鹽酥雞、阿等麵線、萬華街小碗蚵仔滷肉飯、花枝丸、網紅196台式豆腐花芋圓、台式芋頭條、澎湖貢丸、新鮮枝竹、秘製冰豆腐、西洋菜、唐生菜、娃娃菜、白蘿蔔、白飯。加$20任飲有：珍珠系列（7款）、果茶系列（6款）、健康系列（6款）、汽水、青島啤酒。首先嚟咗個小食鹽酥雞，表面炸到好脆，裏面嘅肉仲保持濕潤，點埋醬更加好味，大家都食到唔停得口。烤魚揀咗酸菜口味，煎好嘅魚放響又大又平嘅盤度，配料有洋蔥、酸菜、豆卜、魚丸、大豆芽菜、芫荽、西紅椒絲，酸菜嘅酸味十足，聞到已經流口水。魚預先烤過，煮起嚟都唔會散開，煮滾一段時間先至食，魚肉結實有魚味。配菜新鮮入味最好食，追加左美國肥牛；唐生菜、蘿蔔、冰豆腐及新鮮枝竹。肥牛一人份量淥起上嚟有一碗㗎，某人話好正。澎湖貢丸含有香菇，爽彈好味。兩個人心思思追加咗雞煲拼豬手煲，驚食唔晒問咗店員，話份量唔會太多，啱晒我哋呢啲細食嘅
去開九龍城見客，順便約埋某人收工响附近食晚飯，
經過呢間店舖見到易拉架嗰個任食套餐好吸引
2人只需要$398另外+10%，
每人加多$20就有埋任飲添。
任食包括烤魚、秘製古早羊腩煲、台式香辣雞煲、台南南乳豬手煲，
仲可以無限追加美國肥牛、台式水餃、
士林鹽酥雞、阿等麵線、萬華街小碗蚵仔滷肉飯、
花枝丸、網紅196台式豆腐花芋圓、
台式芋頭條、澎湖貢丸、新鮮枝竹、
秘製冰豆腐、西洋菜、唐生菜、娃娃菜、白蘿蔔、白飯。
加$20任飲有：珍珠系列（7款）、果茶系列（6款）、健康系列（6款）、汽水、青島啤酒。
首先嚟咗個小食鹽酥雞，表面炸到好脆，裏面嘅肉仲保持濕潤，
點埋醬更加好味，大家都食到唔停得口。
烤魚揀咗酸菜口味，煎好嘅魚放響又大又平嘅盤度，
配料有洋蔥、酸菜、豆卜、魚丸、大豆芽菜、芫荽、西紅椒絲，
酸菜嘅酸味十足，聞到已經流口水。
魚預先烤過，煮起嚟都唔會散開，煮滾一段時間先至食，魚肉結實有魚味。
配菜新鮮入味最好食，追加左美國肥牛；唐生菜、蘿蔔、冰豆腐及新鮮枝竹。
肥牛一人份量淥起上嚟有一碗㗎，某人話好正。
澎湖貢丸含有香菇，爽彈好味。
兩個人心思思追加咗雞煲拼豬手煲，驚食唔晒問咗店員，話份量唔會太多，
啱晒我哋呢啲細食嘅人。
豬手夠晒腍但又唔會爛，夠入味
雞煲又香又辣夠晒惹未，
忍唔住要叫支青島啤啤佢。
啱啱入嚟坐低嘅時候，已經叫咗兩杯台式飲品，
黑糖珍珠奶茶+香芋珍珠奶茶。
我嘅黑糖珍珠奶茶夠又香又甜珍珠煙韌有咬口。
最後唔少得要食碗甜品啦，材料有滑滑豆腐花、仙草、芋圓、紅豆，
甜品控一碗邊度夠呀！
Post
