上海一品香菜館

Open Now

Now Closed

我都幫襯左20幾年，餐廳都轉過幾次手。今晚去食晚餐，竟然見到咁嘅一幕，真係嚇親街坊。隔離枱食客嫌上菜慢，正常語氣向後生男職員要求上菜快點。可能係太子爺財大氣粗，大聲向食客呼喝: 唔係你黎先就俾你先架！你唔想等，請你走！嘩！個意思姐係，我大把生意，唔爭做你一個生意。正確唔係應該禮貌請佢等多陣嗎？佢哋鬧交鬧到全餐廳都靜左。講返食物，晚餐叫左三餸一湯，碗飯比以前大左，餸就比以前少左，味道不過不失啦。老老實實，我都唔想做下一個食客俾人鬧，雖然我係此餐廳嘅多年捧場客，但應該食埋呢餐就唔會再幫襯。