Video
Read full review
2021-07-21
1914 views
平時試新餐廳都會先做吓功課，喺OpenRice睇吓餐廳嘅食評先至去試，目的就係唔想盲舂舂去咗一間唔好食嘅餐廳，嘥錢之餘又嘥卡路里quota。嗰日同朋友去Soho食lunch，本身Book咗一間法國餐廳，點知去到侍應竟然話搵唔到我嘅booking！Book餐廳咁耐都係第一次發生呢個情況，激到我呢😡！正午時分條街好熱，只想快快搵個有冷氣嘅地方坐低，見對面呢間阿根廷餐廳幾有格調，所以就即刻跳入去。餐廳以黃色同啡色為主，周圍有好多唔同嘅畫做裝飾，再加上泛黃嘅燈光，感覺好relaxed。咁啱呢個時間未有其他客人，所以份外寧靜，有啲似去咗外地旅行咁✈️。佢嘅lunch set選擇唔算多，價錢由$88~$248不等，包括湯/前菜，主菜，同埋飲品。朋友揀左蕃茄湯，味道好酸，飲咗兩啖就放棄了。麵包偏硬，冇乜特別嘅味道。黎得阿根廷餐廳，我就揀咗佢嘅特色前菜 - 角仔去試吓。諗住同朋友分享，拎把刀去切開時已心知不妙，因為好硬好難切。食落去個皮好厚粉，入面似係一啲牛肉碎嘅餡料，味道唔太突出。我之前冇食過阿根廷菜，真係唔知呢樣小食口感係咪咁😐。主菜我哋叫咗肉眼扒配薯蓉，我要五成熟，中間位置還可以，但周邊就過熟。不
嗰日同朋友去Soho食lunch，本身Book咗一間法國餐廳，點知去到侍應竟然話搵唔到我嘅booking！Book餐廳咁耐都係第一次發生呢個情況，激到我呢😡！正午時分條街好熱，只想快快搵個有冷氣嘅地方坐低，見對面呢間阿根廷餐廳幾有格調，所以就即刻跳入去。
餐廳以黃色同啡色為主，周圍有好多唔同嘅畫做裝飾，再加上泛黃嘅燈光，感覺好relaxed。咁啱呢個時間未有其他客人，所以份外寧靜，有啲似去咗外地旅行咁✈️。
佢嘅lunch set選擇唔算多，價錢由$88~$248不等，包括湯/前菜，主菜，同埋飲品。
朋友揀左蕃茄湯，味道好酸，飲咗兩啖就放棄了。麵包偏硬，冇乜特別嘅味道。
蕃茄湯
20 views
0 likes
0 comments
麵包
23 views
1 likes
0 comments
黎得阿根廷餐廳，我就揀咗佢嘅特色前菜 - 角仔去試吓。諗住同朋友分享，拎把刀去切開時已心知不妙，因為好硬好難切。食落去個皮好厚粉，入面似係一啲牛肉碎嘅餡料，味道唔太突出。我之前冇食過阿根廷菜，真係唔知呢樣小食口感係咪咁😐。
阿根廷角仔
26 views
0 likes
0 comments
主菜我哋叫咗肉眼扒配薯蓉，我要五成熟，中間位置還可以，但周邊就過熟。不太食到牛扒嘅香味，不過百幾蚊嘅價位黎講都係差不多，薯蓉就普普通通。
朋友要咗七成熟，成塊就好老好靭。
肉眼扒
58 views
0 likes
0 comments
唯一要讚嘅係外國侍應姐姐，有好幾台客但樓面得佢一個，佢招呼都好到位同有禮貌。我同朋友搵佢幫忙影合照，佢仲好主動咁幫我地用唔同角度影左幾張，話等我哋可以自己揀下喎🥰。
其實呢度嘅環境同埋服務都不俗，尤其唔會俾人趕走，但食物質素真係麻麻。如果要吸引多啲客人，食物方面似乎要下一點功夫了。
Post
