Video
Read full review
2018-08-03
508 views
又同朋友去開餐，今晚去咗呢間專食東歐菜嘅餐廳。地點稍為偏僻，上完德己立街條斜路右轉雲咸街一直向前行一陣先到。呢間餐廳或者因前排俄國世界盃所以hit過吓，而家先食只能話有心唔怕遲....餐廳偏細，今晚係星期五所以幾多人，我哋由8:00食到差唔多11:00，期間都冇點少過人keep住坐滿八九成。不過唔會覺得太焗促，環境尚可啦。講返嘢食，我哋分別叫咗芝士焗牛脷盅、烤肋骨、焗鹿肉、Honey Cake、煎Pancake配雜莓果醬及雲呢拿雪糕。我唔太好飲酒所以叫咗個有汽蘋果汁，朋友叫咗杯啤酒。飲品就唔多評論，唔會有咩驚喜，唔會難飲啦。朋友話杯啤酒都幾好。至於食物就真心唔錯，水準幾高！芝士焗牛脷盅 - 睇咗好多朋友都大力推介，一試果然堅正！牛脷好稔又好味，芝士味唔會太濃郁但好香，個酥皮稍偏硬但真係脆，蘸芝士汁極度好味，而且雖然餐廳將呢味放喺頭盤餐牌，但份量真係唔細，真正抵食又好食！真心推介烤肋骨 - 又係招牌菜，上菜時waiter會即席點火，視覺效果幾正。份量只有五件唔算多，但又係好軟熟，味道亦好夠，亦係好唔錯嘅。焗鹿肉 - 其他人同紅酒焗牛尾冇咩分別，只不過主角換成鹿肉，果然冇咩肥肉，但食落唔乾
餐廳偏細，今晚係星期五所以幾多人，我哋由8:00食到差唔多11:00，期間都冇點少過人keep住坐滿八九成。不過唔會覺得太焗促，環境尚可啦。
講返嘢食，我哋分別叫咗芝士焗牛脷盅、烤肋骨、焗鹿肉、Honey Cake、煎Pancake配雜莓果醬及雲呢拿雪糕。我唔太好飲酒所以叫咗個有汽蘋果汁，朋友叫咗杯啤酒。
飲品就唔多評論，唔會有咩驚喜，唔會難飲啦。朋友話杯啤酒都幾好。
至於食物就真心唔錯，水準幾高！
芝士焗牛脷盅 - 睇咗好多朋友都大力推介，一試果然堅正！牛脷好稔又好味，芝士味唔會太濃郁但好香，個酥皮稍偏硬但真係脆，蘸芝士汁極度好味，而且雖然餐廳將呢味放喺頭盤餐牌，但份量真係唔細，真正抵食又好食！真心推介
烤肋骨 - 又係招牌菜，上菜時waiter會即席點火，視覺效果幾正。份量只有五件唔算多，但又係好軟熟，味道亦好夠，亦係好唔錯嘅。
焗鹿肉 - 其他人同紅酒焗牛尾冇咩分別，只不過主角換成鹿肉，果然冇咩肥肉，但食落唔乾，入口口感唔差，味道就幾好但唔算驚喜。
Honey Cake - 朋友叫嘅甜品，真係蜂蜜蛋糕，蜜糖味幾濃但偏甜，口感軟熟，嗜甜者或蜜糖迷會幾鍾意，我就普普通通啦⋯⋯
煎Pancake配雜莓果醬及雲呢拿雪糕 - 呢道甜品幾乎度度都有，呢度算整得幾好，上菜時個賣相真係幾吸引，班戟口感幾煙韌，本身唔算甜，配上雪糕食到一冷一熱效果，個果醬偏酸亦令成道甜品味道豐富咗，亦係甚推介嘅！
兩個人食咗八百幾蚊，以食咗嘅份量同質量計其實真係幾值，唯一係可能顧客較多，做嘢嘅人偏少，所以樣樣都等比較耐，但喺今時今日嘅情況其實都可以接受了。
有汽蘋果汁
15 views
0 likes
0 comments
酥皮焗芝士牛脷盅
19 views
0 likes
0 comments
酥皮焗芝士牛脷盅
21 views
0 likes
0 comments
烤肋骨
20 views
0 likes
0 comments
焗鹿肉
29 views
0 likes
0 comments
煎班戟配雜莓果醬及雲呢拿雪糕
23 views
0 likes
0 comments
Honey Cake
23 views
0 likes
0 comments
Post
