泰園 (Closed)

朋友仔上星期生日 因為fully booking 所以拖到今日先得閒出嚟食飯 去咗位於灣仔新開嘅泰園 之前印象中嚟過呢間大廈頂樓間扒房飲嘢 今日就約咗去三樓食泰國菜 一個細嘅海鮮冬蔭公兩份分 每人都分到有三碗咁上下 有魚有大頭蝦有魷魚同青口𠻹 味道夠正宗又夠熱 唔錯 之後上咗個生蝦 蝦夠新鮮 醬汁味道辣中帶點甜酸很開胃的一款前菜 分別叫咗兩個主菜 海南雞同豬手 海南雞合格的 味道同一般坊間差不多 水凖OK的 到隻豬手 炇得夠冧 好似N年前個朱古力廣告咁講 溶係口度唔會溶係碟到 豬肉好香並偏甜 佐飯一流