Tartes & Pop

Open Now

Now Closed

姐姐係識飲識食之人，我細細個就已經教我食正宗的法式水果批，今日佢叫我去西港城附近同佢攞餅，就嚟到呢間法國人開嘅批餅店，入到裏邊仲有個法國型男招呼，佢好有禮貌咁介紹自己嘅餅，係咁已經賺咗，有10款批，姐姐早已訂咗四款：熱情果榛子撻、檸檬榛子朱古力撻、香橙伯爵茶撻、法式咖啡忌廉布丁撻包裝設計細心，每個撻都獨立包裝，再加上一個大的，有手挽位，看似一個手提袋，呢個設計真係要攞獎。裏面仲有張卡教你點樣開同用，呢啲撻係要用手食嘅！四款口味，最醒神的有檸檬榛子朱古力撻，檸檬味非常強。熱情果榛子撻最好食，因為組合有對比，最值得讚是撻皮，食落好似餅乾咁鬆化，並非連鎖店的死甜，而係真正有水果味啲、細膩的。