澳門金隆雲南米綫 (Closed)

星期六下午喺銅鑼灣食嘢，四處人山人海，難得見到呢間米線店冇乜人，一於入去醫肚。(根據經驗所得，冇乜人幫襯嘅多數都係伏，但行得太攰，唔理啦。)🙈 結果真係伏左……😢坐低睇個餐牌，好大本但其實大部份係餐(限左某種配料)，米線加自選配料選擇不多，最後揀左酸辣米線($28)+雞翼($10)，配凍奶茶(+$8)。先上凍奶茶，正正常常。再上米線，當堂得啖笑，一碟雞翼有大、中、細碼？有衝動想問其實正常係一碟幾隻呢？咁嘅配搭都拎得出黎俾人食，個廚房都得架啦。賣相唔好都算，雞翼得個鹹字。酸辣米線味道一般，米線好稔，最後難食到放棄，埋單頭也不回走人。冇誠意的經營，冇下次。