Video
Read full review
2022-05-22
424 views
有位朋友住喺灣仔，今次去完展覽之後順手問佢附近有咩好食，佢就介紹咗呢間食馬拉菜嘅小店俾我，結果好滿意。《馬來巴東牛肉》$98呢個牛肉做得好出色！好惹味，因為佢係辣辣地，而且都唔好又乾又韌，送飯食一流！《海南雞喇沙》$105呢個海南雞係我食過之中都算數一數二，皮肉好滑，而且重雞味，好正宗！喇沙都食得出唔係用喇沙醬開出嚟嘅味道，唔死咸，又夠香，好好味！《肉骨茶》$98呢個肉骨茶個人覺得好正宗，因為嗰種藥材味比較重，唔會好似出面咁好淡口，加上入邊好多骨，分量多味道又出，正！《馬來椰汁辣飯》$98首先上枱即刻覺得勁豐富，好似有好多個餸咁，我哋揀咗雞，同牛肉一樣好食，椰汁飯有淡淡的椰香，食落唔會覺得甜漏，同時仲有辣嘅魚干同埋好香脆嘅炒花生，撈埋一齊食真係超級好食。 總括嚟講呢間馬來西亞菜餐廳真係好高質，人細嘅小店絕對值得更加多嘅關注。
《馬來巴東牛肉》$98
呢個牛肉做得好出色！好惹味，因為佢係辣辣地，而且都唔好又乾又韌，送飯食一流！
《海南雞喇沙》$105
呢個海南雞係我食過之中都算數一數二，皮肉好滑，而且重雞味，好正宗！喇沙都食得出唔係用喇沙醬開出嚟嘅味道，唔死咸，又夠香，好好味！
《肉骨茶》$98
呢個肉骨茶個人覺得好正宗，因為嗰種藥材味比較重，唔會好似出面咁好淡口，加上入邊好多骨，分量多味道又出，正！
《馬來椰汁辣飯》$98
首先上枱即刻覺得勁豐富，好似有好多個餸咁，我哋揀咗雞，同牛肉一樣好食，椰汁飯有淡淡的椰香，食落唔會覺得甜漏，同時仲有辣嘅魚干同埋好香脆嘅炒花生，撈埋一齊食真係超級好食。
總括嚟講呢間馬來西亞菜餐廳真係好高質，人細嘅小店絕對值得更加多嘅關注。
Post
