百芳池上便當 (活@KCC)

Open Now

Now Closed

個人其實有少少抗拒食飯盒，總覺得好頹好慘，而且香港啲飯盒質素又…… 唉！之後出嚟做嘢接觸到日本飯盒（便當），印象改觀咗好多，原來便當可以咁精緻又好味 。今日嚟到百芳池上，更令我愛上台式便當。台灣便當，配菜豐富，主菜惹味，配搭有葷有素，色香味全。搞到我去咗兩次，就係想再試多啲。鹽酥雞講起台灣小食，點少得鹽酥雞呢！池上嘅鹽酥雞，皮脆肉嫰。以炸雞嚟講，好食過好多炸雞專賣店。如果佢可以加多啲調味粉同九層塔就完美喇！小食拼盤 拼盤有台式香腸、炸花枝丸、鹽酥雞。講真冇乜驚喜，而且價錢唔平，下次只點鹽酥雞就可以喇！控肉便當 控肉便當其實就係原條豬腩肉。 望落去好肥膩，但食落去竟然係肥而不膩。腩肉鹵得入味，入口即化原條食超爽！而每個便當都配半隻鹵水蛋、粉絲、粟米粒、鹹菜、椰菜，味道豐富，顏色艷麗，色香味全。豬扒便當 呢款係店入面嘅招牌便當，同控肉便當並列王牌。可見地位超然。豬扒係厚切裹脆漿酥炸，肉汁被鎖住，所以皮脆肉嫰，肉質鬆化又爆汁。雖然冇醬汁，但非常餸飯。配清爽配菜，真係百吃不厭。紅燒牛肉麵（麻辣）終於……終於……終於食到真正台灣味道喇！原來之前响台灣食嘅紅燒牛肉麵，係麻辣湯底嚟，唔怪之得，食極