Video
Read full review
2014-11-02
2966 views
同大學同學慶生，我另一好友二話不說，即刻就訂左呢間so called 米芝蓮嘅餐廳。雖然，位處於美麗華商場，但係好鬼入，你要行哂成層4樓先搵到佢~ 不過去到之後，星期四都唔係好多人~ 店內基本上分左3個AREA，每張枱都有適當嘅距離，俾人一種就算坐爆哂人，都唔會太容易聽到隔離講乜野~張枱都叫大嘅，起碼都叫放哂所有野~ 呢本大本到嘔嘅紅色menu，裡面用左成2~3版係講自己10-13年度係米芝蓮..... 到前菜勒，其實有6款，但呢6款前菜，我覺得唔算係平常可以係韓國餐館食到嘅韓國前菜，特別係當我見到銀魚仔嘅時候~ 同埋啲泡菜令人有啲失望，辣又唔係辣，菜沒有太爽脆，前菜食哂之後，侍應們都沒有像外面幾間韓式BBQ般主動替你添~ 也沒有生菜、大蒜...... 啊....其實除左紅色餐牌仲有一個特別分開左嘅餐牌~ 就係佢今期嘅推介~ 其中一個係呢個辣炒年糕拉麵，其實呢個麵係淋嘅，老實講上碟時我地真係不存厚望，因為賣相唔係話咁好，湯定炒先? 濕炒有冇咁多汁呀? 不過見佢有2片芝士係面，食落啲年糕夠熟又索到啲辣汁~ 拉麵真係淋，同埋佢好似無好好咁放返好個拉麵係碗咁.... 有啲亂~呢個韓式炸雞，特
店內基本上分左3個AREA，每張枱都有適當嘅距離，
俾人一種就算坐爆哂人，都唔會太容易聽到隔離講乜野~
張枱都叫大嘅，起碼都叫放哂所有野~
呢本大本到嘔嘅紅色menu，裡面用左成2~3版係講自己10-13年度係米芝蓮.....
到前菜勒，其實有6款，但呢6款前菜，我覺得唔算係平常可以係韓國餐館食到嘅韓國前菜，特別係當我見到銀魚仔嘅時候~ 同埋啲泡菜令人有啲失望，辣又唔係辣，菜沒有太爽脆，前菜食哂之後，侍應們都沒有像外面幾間韓式BBQ般主動替你添~ 也沒有生菜、大蒜...... 啊....
其實除左紅色餐牌仲有一個特別分開左嘅餐牌~ 就係佢今期嘅推介~
其中一個係呢個辣炒年糕拉麵，其實呢個麵係淋嘅，老實講上碟時我地真係不存厚望，因為賣相唔係話咁好，湯定炒先? 濕炒有冇咁多汁呀? 不過見佢有2片芝士係面，食落啲年糕夠熟又索到啲辣汁~ 拉麵真係淋，同埋佢好似無好好咁放返好個拉麵係碗咁.... 有啲亂~
呢個韓式炸雞，特式應該係平常見到港式同台式嘅炸雞係一舊，但佢地係一件一件，旁邊的生菜沙律同凱撒沙律一樣，至於嗰2個醬係很清的黃芥辣和紅色辣醬，2者其實都無乜特別，點左啲醬又唔係令炸雞突然好味左~
而呢度話好出名嘅牛排骨，我覺得賣相係okay嘅，不過其實食落同無醃過無分別~
將成卷牛肉翻出來後，牛排骨優美地躺在個火爐中~
可惜無入口即溶，也未見有肉味
跟住我地除左食牛之外，亦點左豬腩肉~ 呢個俾左個鹽麻油去點~
如果唔點個鹽麻油，真係可以話係無味..... 無豬嘅油滲出嚟，唉~ 燒肉嚟講呢度真係好失望~
總括嚟講，呢度啲侍應其實幾唔想serve我地，叫左好多次都無人落order，無表情無熱情，唔介紹下啲菜係乜，我有懷疑一間米芝蓮嘅餐廳，食物質數唔見得好高，服務質數亦不見得有，er.... 2015年如果米芝蓮真係有呢間野入圍，會令我懷疑評分標準。
Post
