蕃茄仔

Open Now

Now Closed

呢間鋪叫做「蕃茄仔」，主打超濃蕃茄湯底！今日午餐就黎到呢度試一試佢喇！🍅自家鮮茄濃湯 秘制豬扒刀削麵 $68🍅佢既蕃茄湯底有點像蕃茄蓉但稀少少，食落去感覺好健康，味道唔太濃，加上食完口渴相信無加到味精，味道天然！刀削麵既質地煙韌度適中，可惜唔係太吸收到蕃茄湯既味道，有點蕃茄湯同刀削麵分開既感覺，下次可能會選擇其他既麵底。秘制豬扒都係普通既煎豬扒一塊，主要靠蕃茄湯底，所以未有太大既驚喜。雖然驚喜不大，但蕃茄湯底係出色既！下次會再試其他食物比多之機會佢！🍅🍅🍅🍅最需要改善既應該係鋪頭既通風系統，基本上冇開冷氣，當日鋪頭坐滿左食客，我地一行幾人都出晒汗同感覺好焗，有啲辛苦，影響左食野既體驗。