禾牛薈火煱館 (金馬倫道)

Open Now

Now Closed

鮮茄坑腩薯仔濃湯湯底番茄酸 May May 好開胃。真材實料，飲唔到有用茄汁調味。好多牛坑腩，牛魔王不能錯過。本地招牌手切肥牛 (大)牛肉好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。而且油脂同肉比例剛剛好，加上切得好薄，湯滾淥十秒剛剛好食得。油香、肉味，皆出色。韭菜餃豬肉、韭菜比例剛剛好。大大粒，韭菜味非常濃郁。魚皮餃唔會淥到甩皮甩骨，包得紮實。餃皮煙韌有彈性。老友鬼鬼將蝦膠釀入油炸鬼再炸。再放入湯淥十秒，完美 !西洋菜當造竹蔗水微甜，飲得出沒有另外加糖。清熱下火。