蠔點 (Closed)

黎到哩間專食蠔嘅小店，真係名不虛傳！一枱6人試左4款蠔，有韓國，有愛爾蘭，有法國，有意大利蠔。韓國蠔味道幾清甜，愛爾蘭蠔就有海水味得黎偏咸嘅，法國蠔都係有海水味不過就無愛爾蘭蠔咁咸，最後最值得推介嘅就係意大利蠔，少許厚肉 creamy 得黎仲甜甜地，海水味唔係特別濃，不過就好鮮甜！食完蠔之後，就黎左餐湯薯仔忌廉，佢哩度每嗌叫1打蠔就會送2碗餐湯，我地總共嗌左2打，前後就送左4碗薯仔粒重，湯都幾 creamy，不過就有啲咸？焗肉醬意粉用酥皮焗，茄醬濃，意粉夠煙韌，正！黑松露意粉幾香，不過就有啲乾身，意粉有啲硬，無乜汁。仲嗌左 T 骨扒，5成熟的，煎得不錯。