輝哥私房菜 (Closed)

近排天氣凍左，最岩就係得邊爐啦！今次朋友簡左呢間食，認真唔錯店入面好多字畫，別有一番風味。有好多野食簡，真係花多眼亂呀d牛肉睇落都唔錯嫁。因為我自己好中意食手打既丸/滑類，所以即刻叫左個蝦丸同墨魚丸。超爽口彈牙，墨魚丸入面仲食到一粒粒既墨魚添呢到au2紫淮山都好好食，係店員極推既食物。佢唔似普通淮山咁稔，而係爽爽脆脆的，我都係第一次食ja. 仲有呢個響鈴，真係必點！！！係真鮮炸起嫁，摸落去仲熱辣辣仲有呢個咸蛋豬肉丸，好濃既咸蛋黃味omg, 爆醬，一試愛上最後點少得手打烏冬，佢唔係出面d即食烏冬，佢好快熟，仲係幼身既，幾得意。菜都好新鮮。魚亦脆口。waitress好熱情有禮，環境乾淨，值得推介。