鳴虎 (北帝街) (Closed)

星期日同老公去土瓜灣行下傢俬舖，想買返個櫃，經過北帝街見到好多食肆，有一間叫鳴虎的日本拉麵店最吸睛，門外貼滿字體，用店名和有關拉麵的字砌成，因為疫症關係，好耐都冇去日本旅行食當地的拉麵，老公話不如入去食返碗試吓。餐牌上的拉麵款式只有數款，配料一樣，只係湯底不同味道。鳴海老，湯底主要有香味油、蝦味噌、豬骨湯，湯底味道濃稠剛剛好，味道鮮甜，幼身的拉麵造到掛湯效果，食落爽滑彈牙。配薄切叉燒油脂分佈平均，因為是用慢煮烹調，肉質鮮嫩程粉紅色。還有荀片爽口，半邊流心蛋又香又滑。鳴虎魚介，湯底主要是日本魚乾、豬骨湯。湯底一樣濃郁，日本魚乾提香添味，令湯底味道提升。肉餃子：即叫即煎，肉餃子皮薄，內餡飽滿紮實，獨特的香氣與餃子皮融合其中滿口香氣四溢，吃起來味道濃厚且滿足。爆蛋，即係炸溫泉蛋，香脆的外層包住滑溜的蛋白和流心的蛋黃，口感和味道都唔錯！